पत्नी हत्या घटनाका आरोपित गिरफ्तार

  ०७७ चैत १३ गते

धरान उपमहानगरपालिका–८ दुर्गापथकी ३१ वर्षीया सम्झना माझीको कुखुरी प्रहार गरी हत्या गरेको आरोपमा प्रहरीले ३७ वर्षीय पति तिलकबहादुर माझीलाई चैत १२ गते गिरफ्तार गरेको छ ।

पीडितलाई घरायसी विवादका क्रममा चैत १२ गते खुकुरी प्रहार गरी हत्या गरेको आरोपमा स्थानीयले आरोपितविरूद्ध इलाका प्रहरी कार्यालय धरानमा खबर गरेको डिएसपी ज्ञानेन्द्र बस्नेतले इन्सेक प्रतिनिधिसँगको फोन सम्पर्कमा बताउनु भयो ।

स्थानीयको खबरपछि घटना लगत्तै फरार भएका आरोपितलाई धरान उपमहानगरपालिका–८ दुर्गापथबाट गिरफ्तार गरेको डिएसपी बस्नेतले बताउनु भयो ।

आरोपितविरूद्ध माइती पक्षले चैत १३ गते किटानी उजुरी दिएको प्रहरीले जनाएको छ ।

शवको पोष्टमार्टम वीपी कोइराला स्वास्थ्य विज्ञान प्रतिष्ठान धरानमा चैत १२ गते गरी शव माइती पक्षलाई जिम्मा दिएको प्रहरीले जनाएको छ ।


जयकृष्ण यादव