समाचारहरू

सूर्योदय नगरपालिका– ५ की १९ वर्षीया गीता तामाङको हत्या गरेको आरोपमा प्रहरीले २३ वर्षीय पति दिनेश तामाङलाई प्रहरीले फागुन ९ गते गिरफ्तार गरेको छ ।

पीडितलाई घरायसी विवादका क्रममा आरोपितले फागुन २ गते दाउराले हिर्काएर हत्या गरेको आरोपमा पीडित पक्षले आरोपितविरूद्ध फागुन ३ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा घटनालगत्तै फरार भएका आरोपितलाई सूर्योदय नगरपालिका– ५ स्थित सिद्धिखोला र मेच खोलाको दोभानमा पर्ने भारतीय सिमानाबाट गिरफ्तार गरेको जिल्ला प्रहरी कार्यालयका एसपी नविनराज राईले इन्सेक प्रतिनिधिसँगको फोन सम्पर्कमा बताउनु भयो ।

शवको पोष्टमार्टम फागुन ४ गते विपी कोइराला स्वास्थ्य विज्ञान प्रतिष्ठानमा गरी सोही दिन शव पीडित पक्षलाई बुझाएको एसपी राईले बताउनु भयो ।

कोकिला ढकाल