पत्नीको हत्या घटनाका आरोपित गिरफ्तार

  ०७६ साउन ३२ गते

कालिकामाई गाउँपालिका–५ सेमरा टोलकी ३५ वर्षीया सङ्गीतादेवी पटेललाई धारिलो हतियार गडासी प्रहार गरी हत्या गरेको आरोपमा प्रहरीले ३९ वर्षीय पति मुक्ति पटेललाई साउन ३२ गते गिरफ्तार गरेको छ ।

सङ्गीतादेवीलाई साउन ३१ गते अपरान्ह साढे ५ बजे धारिलो हतियार गडासीले प्रहार गरी आरोपितले हत्या गरेको आरोप छ ।

शव पोष्टमार्टमका लागि बीरगंजको नारायणी अस्पतालमा राखिएको छ । हत्या आरोप लागेका मुक्ती पेटललाई स्थानीयको सहयोगमा गिरफ्तार गरिएको सोही वडाका वडाध्यक्ष पवन तिवारीले जानकारी दिए ।

मुक्तिले पत्नी सङ्गीतादेवीलाई हरिपुर स्थित माइतबाट साउन ३१ गते घर लिएर आएका थिए । गाउँमै रहेको ब्रम्हस्थानको थान (पिपललको रूखमुनी) लगेर पुजा गर्न लगाएका थिए ।

पूजा गरेर गाउँलेहरूलाई प्रसाद समेत वितरण गरेका मुक्ति पटेलले साढे पाँच बजे पत्नीलाई हत्या गरेका थिए ।


केसी लामिछाने