न्यायिक प्रकृयामा जानका लागि हिंसा पीडितलाई इन्सेकद्वारा सहयोग प्रदान

  ०७६ फागुन २९ गते

इन्सेकद्वारा सञ्चालित मानव अधिकार संरक्षण तथा प्रवद्र्धन परियोजना अन्तर्गत न्यायिक प्रकृयामा जानका लागि हिंसा पीडित तीन जना महिलालाई इन्सेकले सहयोग गरेको छ ।

घरेलु हिंसाबाट पीडित वीरेन्द्रनगर नपा–१३ की ३४ वर्षीया सीता आचार्य र भेरीगंगा नपा–१० की २५ वर्षीया टीका वलीलाई कानुनी सहयोगका लागि इन्सेकले फागुन २९ गते प्रतिव्यक्ति १५ हजार रुपियाँ नगद सहयोग प्रदान गरेको हो ।

इन्सेकद्धारा गठित हिंसा निगरानी समूहमा पर्न आएका हिंसा पीडितहरूको निवेदन उपर आवश्यक अध्ययनपछि समूहले गरेको सिफारिसका आधारमा हिंसा पीडित आचार्य र वलीलाई सहयोग प्रदान गरिएको इन्सेक कर्णाली प्रदेश कार्यालय, सुर्खेतका मानव अधिकार अधिकृत सोमप्रसाद चौधरीले बताउनु भयो ।

हिंसा पीडितलाई नगद रकम हस्तानान्तरण गर्दै इन्सेक कर्णाली प्रदेश कार्यालय, सुर्खेतका संयोजक नारायण सुवेदीले पीडितको न्यायप्राप्तीको अभियानमा अघि बढनका लागि इन्सेकले आर्थिक तथा कानुनी सहयोग उपलब्ध गराएको बताउनु भयो ।

साथै संयोजक सुवेदीले इन्सेकले हिंसा पीडितको अधिकार स्थापित गर्न सहयोग पु¥याउने उद्देश्यले उनीहरूलाई सहयोग प्रदान गरेको बताउनु भयो ।

यसैगरी सोही कार्यक्रम अन्र्तगत इन्सेकले यस अघि बर्दिया जिल्ला बढैयाताल गाउँपालिका–६ घरभई सुर्खेतको वीरेन्द्रनगर नपामा बस्दै आएकी १४ वर्षीया शान्ति बिकलाई पनि सहयोग गरेको थियो ।

घरेलु मजदुरका रुपमा वीरेन्द्रनगर नपामा एक वर्षसम्म काम गरेवापत पाउनुपर्ने ज्याला नपाएको र घरमालिकबाट कुटपिट तथा हिंसामा परेपछि उनी साहारा विहीन भएकी थिइन । अभिभावक नभएकी ती बालिकालाई हिंसा निगरानी समूहको पहलमा वीरेन्द्रनगर नपास्थित गोमान सिंह बस्यालको घरमा बस्दै आएकी छन् ।

पीडितको पक्षमा कानुनी पहल गर्नका लागि हिंसा निगरानी समूहका अध्यक्ष अधिवक्ता गीता कोइरालालाई जिम्मा दिइएको इन्सेकका संयोजक सुवेदीले बताउनु भयो ।

अधिवक्ता गीता कोइरालाका अनुसार हिंसा पीडित टीका वलीका पक्षमा फागुन ३० गते जिल्ला अदालतमा प्रतिउत्तर लगाउने तयारी भइरहेको छ भने अन्य पीडितका हकमा न्यायिक निकायमा जाने आवश्यक तयारी भइरहेको बताउनु भयो ।

Photo20200312 Surkhet Photo20200312Surkhet


दुर्गा थापा