न्यायाधीश अनुपस्थित हुँदा अधिकारी हत्यासम्बन्धी मुद्दाको पेशी सर्‍यो

  ०७३ कात्तिक २३ गते

चितवन अदालतका न्यायाधीश टेकनारायण कुवँर अनुपस्थित हुँदा कात्तिक २३ गते फैसला हुने भनिएको गोरखा फुजेलका कृष्णप्रसाद अधिकारी हत्यासम्बन्धी मुद्दाको पेशी सरेको छ । यो मुद्दाको पेशी मङ्सिर १२ गतेलाई तोकिएको चितवन जिल्ला अदालतका सूचना अधिकारी कृष्ण बरालले बताए ।

फुजेलका अधिकारीको माओवादी सशस्त्र सङ्घर्ष उत्कर्षमा रहेका बेलामा चितवनको रत्ननगरमा तत्कालीन माओवादीका कार्यकर्ताले अपहरण गरी हत्या गरेको आरोपमा चितवन जिल्ला अदालतमा मुद्दा परेको थियो ।

अधिकारीको हत्या ०६१ जेठ २४ गते गरिएको विषयमा चितवन जिल्ला अदालतमा झण्डै तीन वर्षदेखि मुद्दा चलिरहेको छ ।

यो मुद्दामा प्रतिवादीका तर्फबाट १३ जना, मुद्दा दिने निवेदकको तर्फबाट सात जना र दुईजना सरकारी वकिलले बहस गरेका थिए ।


दिपेन्द्र अधिकारी