विप्लव नेतृत्वको नेकपाका जनसरकार प्रमुखसहित दुई जना गिरफ्तार

  ०७६ वैशाख २५ गते

नेत्र विक्रम चन्द (विप्लव) नेतृत्वको नेकपाका दुई जना कार्यकर्तालाई प्रहरीले वैशाख २४ गते गिरफ्तार गरेको छ ।

गिरफ्तार हुनेमा बन्दिपुर गाउँपालिका–१ घर भएका सो पार्टीका जिल्ला सदस्य तथा पार्टीले गठन गरेको जिल्ला जनसरकार प्रमुख ६६ वर्षीय शिवशङ्कर अधिकारी र व्यास नपा–७ घर भएका सो पार्टीका जिल्ला सदस्य ४१ वर्षीय टेकबहादुर विश्वकर्मा रहेका छन् ।

उनीहरू दुवै जनालाई भानु नपा–२ आम्बोटेबाट गिरफ्तार गरिएको जिल्ला प्रहरी कार्यालय, तनहुँले जनाएको छ ।

गिरफ्तार गरिएका दुवै जनालाई राजद्रोह मुद्दा अन्तर्गत मुद्दा दर्ता गरी अनुसन्धान गरिरहेको जिल्ला प्रहरी कार्यालयका डिएसपी लिलाराज लामिछानेले जानकारी दिए ।


प्रकाशचन्द्र भट्टराई