नेत्रविक्रम चन्द नेतृत्वको पार्टीद्वारा ६ प्रमुख सहित १३ जनप्रतिनिधिलाई धम्की
नेत्रविक्रम चन्द (विप्लव) नेतृत्वको नेपाल कम्युनिष्ट पार्टीले 'भ्रष्टाचारी' भन्दै तीन जना नगरपालिकाका प्रमुख र तीन जना गाउँपालिकाका अध्यक्षसहित १३ जना जनप्रतिनिधिलाई धम्की दिएको छ ।
स्थानीय तहमा निर्वाचित जनप्रतिनिधिले तत्काल भ्रष्टचार गरेको रकम फिर्ता गर्न र जनता सामु माफी माग्न सो पार्टीको जिल्ला जनपरिषद्ले जेठ ७ गते सार्वजनिक अपिल गरेको छ ।
नेकपाका सल्यान जनपरिषद् प्रमुख प्रतीकले जारी गरेको प्रेस विज्ञप्तिमा कुपिण्डे नगरपालिकाका मेयर गोविन्द पुन, बागचौर नगरपालिकाका मेयर लोकमान बुढाथोकी र शारदा नगरपालिकाका मेयर सुरेश अधिकारी, सिद्ध कुमाख गाउँपालिकाका अध्यक्ष मानबहादुर चलाउने, त्रिवेणी गाउँपालिकाका अध्यक्ष मानबहादुर डाँगी र कपुरकोट गाउँपालिकाका अध्यक्ष भिमबहादु सेनलाई 'भ्रष्टाचार' गरेको रकम फिर्ता गर्न र आगामी दिनमा जनविरोधी क्रियाकलाप नगर्ने प्रतिबद्धता जाहेर गर्न आग्रह गरिएको छ । उनीहरूले नक्कली विल पेश गरेर रकम खाएको विज्ञप्तिमार्फत आरोप लगाइएको छ ।
विभिन्न नगरपालिका र गाउँपालिकाका गरी ७ जना वडाध्यक्षलाई पनि भ्रष्टाचार रकम जनताबिच याचनासहित फिर्ता गर्न र आइन्दा जनताको हितविपरीत कार्य नगर्ने प्रतिबद्धता जनाउन भनिएको छ ।
शारदा नगपालिका-८ का अध्यक्ष जुद्धबहादुर बुढाथोकी, वडा नं ६ का अध्यक्ष भिकराज बुढाथोकी, वडा नं १२ का अध्यक्ष दीपक हमाललाई स्थानीय तहमा बसेर राज्य कोषको रकम भ्रष्टाचार गरेको भन्दै फिर्ता गर्न भनिएको छ ।
त्यसैगरी बागचौर नपा-५ का अध्यक्ष डिल्ली वली, वडा नं ८ का अध्यक्ष रोमु शाही, दार्मा गाउँपालिका-६ का अध्यक्ष दुर्गा मल्ल र वडा नं २ का अध्यक्ष डिल्ली केसीलाई पनि भ्रष्टाचार गरेको रकम जनताबिचमा उपस्थित भएर फिर्ता गर्न र आइन्दा त्यस्तो जनविरोधी क्रियाकलाप नगर्ने प्रतिबद्धता जनाउन भनिएको छ ।
भ्रष्टाचारको आरोप लागेका जनप्रतिनिधिले भने सो पार्टीले आफूहरूसँग मोटो चन्दा मागेको र सो दिन नमानेपछि यसरी बदनाम गर्न खोजेको प्रतिक्रिया दिएका छन् । एक वर्षदेखि कसैसँग एक रुपियाँ त के तलब समेत नखाएर जनताको सेवामा खटिएको कपुरकोट गाँउपालिकाका प्रमुख भिम बहादुर सेनले बताए ।
शारदा नगरपालिकाका प्रमुख सुरेश अधिकारीले यसरी आरोप लगाउनु भन्दा प्रमाण लिएर आएमा आफू जस्तो सुकै सजाय भोग्न तयार रहेको बताए । निस्वार्थ भावनाले जनताका लागि काम गरिरहेको बताउँदै उनले आगामी दिनमा पनि निष्पक्ष र पारदर्शी ढङ्गले काम गर्ने बताए ।
मिना बुढाथोकी
सम्बन्धित समाचारहरू
म्यासेञ्जर च्याटको विषयमा बालिकामाथि कुटपिट
उर्लावारी नगरपालिका-४ थापाडाँगीकी १६ वर्षीया बालिका आयुष्मा बस्नेतलाई म्यासेञ्जर च्याटको विषयलाई उर्लावारी नगरपालिका-५ सूर्यचोकका २० वर्षीय यूनिक शिवाले कुटपिट गरेको पीडित पक्षले आरोप लगाएको छ । साथीको फेसबुक आइडी चलाएको…
यौन दुर्व्यवहार घटनाका आरोपितहरू गिरफ्तार
१४ वर्षीया दुई जना बालिकालाई यौन दुर्व्यवहार गरेको आरोपमा इन्द्रावती गाउँपालिका-६ घरभई श्री कमला देवी माविका शिक्षक ४५ वर्षीय सुरेन्द्र कोइराला र सोही विद्यालयका शिक्षक ४९ वर्षीय कविराज पौड्याललाई प्रहरीले…
दलित भएकै कारण वृद्धाश्रममा बस्न नदिएको पीडितको आरोप, प्रहरीमा उजुरी
उर्लावारी नगरपालिका-१ की ६२ वर्षीया ज्येष्ठ नागरिक शोभा सुन्दास(परियार) ले दलित भएकै कारण विराटनगर महानगरपालिका-१ पुष्पलाल चोकस्थित जागृति वृद्धाश्रमले राख्न अस्वीकार गरेको आरोप लगाउनु भएको छ । दलित भएको भन्दै…
यौन दुर्व्यवहार घटनाका आरोपित गिरफ्तार
६ वर्षीया बालिकालाई यौन दुर्व्यवहार गरेको आरोपमा ३८ वर्षीय बुवालाई प्रहरीले ०८० मङ्सिर २१ गते कावासोतीबाट गिरफ्तार गरेको छ । बालिकाले घटनाको बारेमा आफ्नो साथिलाई सुनाउनुभएको थियो र साथिले आफ्नो…
१५ औँ मानव अधिकार राष्ट्रिय महाभेला सुरु
'प्राकृतिक प्रकोप तथा विपदबाट प्रभावितहरुको मानव अधिकारको सुनिश्चितताः आजको आवश्यकता' भन्ने नाराका साथ १५ औँ मानव अधिकार राष्ट्रिय महाभेला ०८० मङ्सिर २२ गतेदेखि ललितपुरमा सुरु भएको छ । मानव अधिकारका…
