निलम्बित अख्तियार प्रमुखविरूद्ध सर्वोच्चमा मुद्दा दर्ता

  ०७३ कात्तिक १८ गते

अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीविरूद्ध सर्वोच्च अदालतमा कात्तिक १८ गते मुद्दा दर्ता गरिएको छ ।

अधिवक्ता ओमप्रकाश अर्यालद्वारा प्रमुख आयुक्त कार्कीसहित अन्य तीन जनाविरूद्ध कानुनी प्रक्रिया अगाडि बढाइ पाउँ भन्दै मुद्दा दर्ता गरिएको हो ।

दायर उजुरीमा कार्कीसहित कृषि विकास बैङ्कका अध्यक्ष एवम् पूर्व कानुन सचिव प्रमोद कार्की र महानगरीय प्रहरी वृत्त वानेश्वरका सई नकुलराज गौतम र कार्कीका ज्वाँई प्रवल थापालाईसमेत विपक्षी बनाइएको अधिवक्ता आर्यालले जानकारी दिए ।

म्याद तामेलीमा अवरोध गरे मुलुकी ऐनको अदालतको बन्दोबस्तीसम्बन्धी महल अनुसार १५ दिन कैद, १ हजार रुपियाँ जरिबाना वा दुवै सजाय हुने व्यवस्था छ ।


विवेक ढुङ्गाना