समाचारहरू

बलात्कारपछि हत्या गरिएकी बालिका निर्मला पन्तको योनीबाट सङ्कलन गरिएको भजाइनल स्वाबबाट तयार पारिएको डिएनए प्रोफाइलसँग आमाको डिएनए प्रोफाइल मिलेको छ ।
बालिका निर्मला पन्तको भजाइनल स्वाबबाट तयार पारिएको डिएनए प्रोफाइल उनको हो होइन भन्ने पुष्टि गर्न पुस २५ गते उनकी आमा दुर्गादेवी पन्तको रगतको नमूना सङ्कलन गरिएको थियो ।
निर्मलाको भजाइनल स्वाबबाट तयार पारिएको डिएनए प्रोफाइलसँग आमा दुर्गादेवी पन्तको रगतको नमूनाबाट तयार पारिएको डिएनए प्रोफाइलसँग मेल खाएको रिपोर्ट आएको जिल्ला प्रहरी कार्यालयका एसपी कुवेर कडायतले बताए ।
निर्मला पन्तको योनीबाट सङ्कलन गरिएको भजाइनल स्वाबबाट तयार पारिएको डिएनए प्रोफाइल निर्मलाको भए नभएको पुष्टि गरिदिन निर्मलाकी आमाले आग्रह गरेकी थिइन् ।
पुष्टि गर्नका लागि निर्मलाकी आमा दुर्गादेवी पन्तले आफ्नो रगतको नमूना दिएकी थिइन् । गत पुस २६ गते उनको रगतको नमूना सङ्कलन गरेर काठमाडौँ पठाएको थियो ।
जिल्ला प्रहरी कार्यालय, कञ्चनपुरले रगतको नमूना सङ्कलन गरेर प्रहरीको प्रयोगशाला र विधि विज्ञान दुवै ठाउँमा नमूना पठाएको थियो । रिपोर्टमा दुवैको डिएनए प्रोफाइल ९९ दशमलव ९९ प्रतिशत मेल खाएको जिल्ला प्रहरी कार्यालयले जनायो ।
०७५ पुस १५ गते दोस्रो पटक प्रहरी महानिरीक्षक सर्वेन्द्र खनाल कञ्चनपुर पुगेका बेला अधिकारकर्मीले समेत निर्मलाको शरीरबाट सङ्कलन गरिएको भजाइनल स्वाबमा नै शङ्का रहेकाले निवारणका लागि आमाबुवाको डिएनए परीक्षण गर्नुपर्ने माग राखेका थिए ।

कोमलनिरन्जन भाट