नाबालिका हत्या घटनाका आरोपित फुपू गिरफ्तार

  ०७६ फागुन १४ गते

बरियारपट्टी गाउँपालिका–३ की १५ महिने नाबालिका आशिकी यादवको हत्या आरोपमा जिल्ला प्रहरी कार्यालय सिरहाले मृतककी फुपू बरियारपट्टी गाउँपालिका–१ की २२ वर्षीया मम्ताकुमारी यादवलाई फागुन १३ गते गिरफ्तार गरेको छ ।

देवेन्द्र यादवकी छोरी आशिकी माघ २७ गते देखि घरबाटै हराएकी थिइन् । माघ २८ गते खोज तलासको क्रममा बिहान ९ बजे घर नजिकै रहेको पोखरीमा बोरामा बाँधेर इट्टा सहित डुबाएको अवस्थामा शव फेला परेको जिल्ला प्रहरी कार्यालय सिरहाका डिएसपी बिनोद घिमिरे बताउनु भएको छ । डिएसपी घिमिरेका अनुसार घटनाको अनुसन्धानको क्रममा आरोपित मम्ताले नै बालिकालाई खेलाउने क्रममा घरबाट बाहिर लिएर गएको र आफू मोबाइलमा व्यस्त भएपछि बालिका पोखरीमा डुबेको र उनले सो घटना लुकाउन बोरामा हालेर इट्टाले बाँधी डुबाएको खुल्न आएको छ ।

आरोपित मम्तालाई फागुन १ गते नै गिरफ्तार गरी अभद्र मुद्दा चलाइएको थियो । घटनाको अनुसन्धानका क्रममा बालिकाको हत्या भएको खुल्न आएकोले फागुन १३ गते कर्तव्य ज्यान मुद्दामा म्याद थप गरी कारवाही प्रकृया अगाडी बढाइएको डिएसपी घिमिरेले बताउनु भयो ।

शवको पोष्टमार्टम जिल्ला अस्पताल सिरहामा माघ २८ गते भएको डिएसपी घिमिरेले जानकारी दिनु भयो ।


दुर्गा परियार