नागरिक समाज तथा अधिकारकर्मीहरूको विरोध प्रदर्शनमा प्रहरीद्वारा हस्तक्षेप

  ०७७ माघ १२ गते

प्रतिनिधिसभा विघटनविरुद्व नागरिक समाजले माघ १२ गते बालुवाटार क्षेत्रमा गरेको विरोद प्रदर्शन तथा पदयात्रामा प्रहरीले हस्तक्षेप गरेको छ । प्रहरीले विरोध प्रदर्शन तथा पदयात्रामा संलग्नहरूमाथि हस्तक्षेप गरी पानीको फोहोरा सहित लाठीचार्ज समेत गरेको छ ।

प्रधानमन्त्री केपी शर्मा ओलीको प्रतिनिधि सभा विघटन गर्ने कदम असंवैधानिक भएको भन्दै त्यसको विरोधमा नागरिक अगुवाहरूले गरको प्रदर्शनमा प्रहरीले हस्तक्षेप गरेको प्रदर्शनमा संलग्न पत्रकार तथा लेखक नारायण वाग्लेले बताउनु भयो ।

प्रहरीको लाठीचार्ज र पानीको फोहोरा प्रहारबाट आफूलगायत राष्ट्रिय मानव अधिकार आयोगका पूर्व आयुक्त मोहना अन्सारी लगायत अरुणदेव जोशीनिर्घ नवीनसङ्घर्ष दाहालस्वर्णिम दिनेश लगायत अभियन्ता घाइते भएको नारायण वाग्लेले बताउनुभयो ।

घाइतेमध्ये निर्घको त्रिवि शिक्षण अस्पताल महाराजगञ्ज र सङ्घर्ष र  स्वर्णिमलाई मोडल अस्पतालमा उपचारका लागि लगिएको छ ।

नागरिक अगुवाहरूको पदयात्रा कमलपोखरीबाट हात्तीसारनागपोखरीनक्साल हुँदै भाटभटेनीबाट बालुवाटारतर्फ बढ्ने क्रममा प्रहरीले हस्तक्षेप गरेको थियो ।

प्रदर्शनमा संलग्नहरूले निषेधित क्षेत्रको सुरक्षा घेरा तोडेर अघि बढ्ने क्रममा प्रहरीले लाठीचार्ज गर्नुपरेको महानगरीय प्रहरी परिसर टेकुका एसएसपी काठमाडौं प्रहरी प्रमुख अशोक सिंहले जानकारी दिनुभयो ।

photo20210125kathmanduयसैगरी बालुवाटार केन्द्रित बिरोध प्रदर्शनमा संलग्न मानव अधिकार तथा शान्ति समाजका संस्थापक सभापति कृष्ण पहाडसहित समाजका सभापति उत्तम पुडासैनी, सदस्य कृष्ण कँडेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रीय सदस्य नम्रता खरेल, ललितपुर शाखा सभापति चन्द्रमणी बञ्जारा, काठमाडौँ शाखा सभापति जगन्नाथ पुडासैनी, अधिकारकर्मीहरू रामचन्द्र खतिवडा, सुरज बोहरा, ईश्वर पुडासैनी, रमेश बराल, पुरुषोत्तम घिमिरे, उमा गौतम, माँया भट्टराई, लक्ष्मी राना, सानु लामा, आरएस महतो, डिकम्बर राणा, भगवान पुडासैनी, किरण ढकाल, रोज विष्ट, किङकङ राई, संजोग राई, मोहीणीप्रसाद आचार्य सहित २६ जना नागरिक समाजका अगुवाहरूलाई प्रहरीले गिरफ्तार गरेको छ । उनीहरूलाई नेपाल पुलिस क्लब भृकुटीमन्डपमा चार घण्टा राखेर रिहा गरिएको छ ।

प्रतिनिधिसभा भङ्ग गर्ने प्रधानमन्त्री केपी ओलीको कदमका विरुद्ध आन्दोलन गर्दै आएको मानव अधिकार तथा शान्ति समाजले सरकारले अदालतलाई प्रभाव पार्न खोजेकोराज्य संयन्त्रको दुरुपयोग गरेकोप्रधानमन्त्री र मन्त्रीहरूले आपत्तिजनक अभिव्यक्ति दिएको र मुलुकमा किर्तेतन्त्र चलाएको भन्दै विरोध प्रदर्शन गरेको एक विज्ञप्ति प्रकाशन गरी जनाएको छ ।


विमला पौडेल