नगर प्रमुखमाथि दुर्व्यवहार घटनाका आरोपित गिरफ्तार

  ०७५ फागुन ३ गते

स्वर्गद्वारी नगरपालिका–४ घर भई सोही नगरालिकाका प्रमुख नेत्रबहादुर रोकायलाई दुर्व्यवहार गरेको आरोपमा प्रहरीले विप्लव नेतृत्वको नेकपा निकट युवा जन स्वयम्सेवकका जिल्ला अध्यक्ष माण्डवी गाउँपालिका–१ का ३२ वर्षीय बामबहादुर बुढालाई फागुन २ गते गिरफ्तार गरेको छ ।

पीडित रोकायलाई आरोपितले गत पुस २४ गते कार्यालयको योजना शाखामा छलफल गरिरहेको बेला गाडीको मोबिल दल्ने प्रयास गर्नुको साथै दुर्व्यवहार गरेका थिए । घटना भएकै दिन नगरपालिकाले विज्ञप्तिमार्फत घटनाको भत्र्सना गरेको थियो ।

उक्त घटनामा बुढालगायत अन्यको पनि संलग्नता रहेको र उनीहरूको खोजी भइरहेको जिल्ला प्रहरी कार्यालयका डिएसपी निर्मल बुढाथोकीले बताए ।


रविन्द्र पाण्डे