धारिलो हतियार प्रहार गरी पत्नीको हत्या, आरोपित गिरफ्तार

  ०७४ माघ ७ गते

अर्जुनधारा नपा-१ की १७ वर्षीया योनिता लिम्वू गहतेलाई माघ ६ गते साँझ २३ वर्षीय पति दिनेश गहतेले धारिलो हतियारले घाँटीमा प्रहार गरी हत्या गरेको प्रहरीले जनाएको छ ।

आरोपितलाई प्रहरीले माघ ६ गते नै गिरफ्तार गरी अनुसन्धान सुरू गरिएको इलाका प्रहरी कार्यालय बिर्तामोडका डिएसपी कृष्णप्रसाद कोइरालाले जानकारी दिए ।

पति पत्नीबिच भएको घरायसी विवादका क्रममा झैझगडा हुँदा धारिलो हतियार (दाउ)ले घाँटी काटेर उनको हत्या भएको डिएसपी कोइरालाले बताए ।

आधा घाँटी काटिएकी पीडितको घट्नास्थलमै मृत्यु भएको थियो । त्यसलगत्तै स्थानीयले इलाका प्रहरी कार्यालय बिर्तामोडमा खबर गरेका थिए । शवको पोष्टमार्टम माघ ७ गते मेची अञ्चल अस्पताल भद्रपुरमा गरेपछि दाहसंस्कार गरिएको पीडितका आफन्तले जानकारी दिए ।


अर्जुन बस्नेत