द्वन्द्वकालमा क्षति भएका संरचनाहरू तत्काल पुनर्निर्माण हुनु पर्ने माग

  ०७४ जेठ २९ गते

द्वन्द्वकालीन समयमा डडेल्धुरा जिल्लामा क्षति पुर्‍याइएका सरकारी संरचनाहरूको तत्काल पुनर्निर्माण गरिनु पर्ने जिल्लास्थित सेवाग्रहीहरूले माग गर्दै आएको भए पनि हालसम्म ती संरचनाहरू पुनर्निर्माण हुन सकेका छैनन् ।

कार्यालय सञ्चालनका लागि भाडामा भवन लिँदा व्यायभार बढ्ने र अर्कोतर्फसेवा प्रवाहमा समस्या हुने अजयमेरु गाउँपालिका-३ का सचिव करनबहादुर कामीले बताए ।

डडेल्धुरा जिल्लास्थित इलाका वन कार्यालय, स्वास्थ्य चौकी, हुलाक कार्यालय, कृषि सेवा केन्द्र, सदरमुकाम क्षेत्रमा रहेको कृषि विकास बैङ्क, अमरगढी नपाको भवन र जिल्ला समन्वय समितिको कार्यालयमा तत्कालीन नेकपा माओवादीले क्षति पुर्‍याएको भएपनि हालसम्म यी भवनहरू पुनर्निर्माण नगरिएका कारण सेवाग्राही समस्यामा परेका हुन् ।


भुपेन्द्र बिष्ट