समाचारहरू

सिरहा जिल्ला प्रतिनिधि दुर्गा परियारका अनुसार को धनगढीमाई नपा-७ स्थित जिरोमाइलमा मङ्सिर ११ गते राति अज्ञात समूहले बम विष्फोट गराएको छ । अज्ञात समूहले पूर्वबाट पश्चिमतर्फगइरहेको जिपबाट प्रेसर कुकर बम फयालेर राति ८ः३० बजेतिर विष्फोट गराएको स्थानीयवासीहरूले बताए ।

बम विष्फोट सडक छेउको झाडीमा भएकोले मानवीय तथा भैतिक क्षति नभएको इलाका प्रहरी कार्यालय लहानका डिएसपी नरेशराज सुबेदीले बताए ।

इन्सेक मोरङ जिल्ला प्रतिनिधि इन्दिरा भट्टराईका अनुसार क्षेत्र नम्बर ६ का वाम गठबन्धनबाट उम्मेदवार बनेका एमालेका लालबाबु पण्डितलाई लक्षित गरेर मङ्सिर १२ गते सुतली बम विष्फोट भएको छ ।

मङ्सिर १२ गते बिहान मोरङको बुढीगङ्गा गाउँपालिका-६ मा आयोजना गरिएको घरदैलो कार्यक्रमतर्फजाँदै गर्दा बुढीगङ्गा-५ हात्तिमुडा नहर छेउमा बम विष्फोट भएको हो ।

उम्मेदवार पण्डित चढेको गाडी १० मिटर पर भएका कारण कुनै मानवीय क्षति नभएको प्रहरीले जनाएको छ ।

जिल्ला प्रहरी कार्यालय मोरङका एसपी अरूणकुमार विसीले निर्वाचन विरोधी गतिविधिमा लागेकाहरूले नै बम विष्फोट गराएको हुन सक्ने बताए । उनले निर्वाचन विरोधी गतिविधिमा संलग्न रहेको आरोपमा १८ जनालाई गिरफ्तार गरेको पनि जानकारी दिए ।

इन्सेक उदयपुर जिल्ला प्रतिनिधि भरत खड्काका अनुसार नेपाली काङ्ग्रेसका उम्मेदवारलाई लक्षित गरी मङ्सिर १२ गते बिहानको राति राखिएको बम पडकँदा गाई र भैँसी घाइते भएका छन ।

प्रतिनिधि सभा निर्वचन क्षेत्र १ मा अन्तर्गत प्रदेस सभा २ का काङ्ग्रेसका उम्मेदवार हिमाल कार्कीको घर नजिकको गाईको गोठ (ग्वाली)मा राखिएको बम विष्फोट हुँदा गाई र भैँसी घाइते भएका हुन् ।

त्रियुगा नगरपालिका-७ भान्टाबारीमा रहेको कार्कीको घरमा मङ्सिर १२ गते बिहान ३ः२० बजेको समयमा शक्तिशाली बम विष्फोट भएको जिल्ला प्रहरी कार्यालय उदयपुरका एसपी नवराज भट्टले जानकारी दिए ।

भट्टले घटनाको प्रकृति हेर्दा प्रेसर कुकर बम हुन सक्ने अनुमान गरे । उनले भने-'घटनास्थलमा कुकरका चोइटा देखिएको छ । त्यसैले प्रेसरकुकर बम हुन सक्छ ।' घटनाको अनुसन्धान भइरहेको उनले बताए । यो समाचार तयार पारूञ्जेलसम्म घटनाको कुनै पंक्षले जिम्मा लिएको छैन ।

बम विष्फोट हुँदा गाईको कान र भैँसीको जिउभरी छर्रा लागेको उनले बताए । उम्मेदवार कार्कीले भने-'राति १० बजे म घरमा पुगेको थाहा पाएपछि मलाई नै मार्ने गरी बम राखिएको रहेछ धन्न बाँचियो ।' उनले थपे-'घरमै राख्ने गरी आएका रहेछन् । तर, राति बुवा उठेको थाहा पाएपछि ग्वालीमा फालेर भागेको हुन सक्छ ।'

यसअघि जिल्लाको पश्चिमी क्षेत्र उदयपुरगढी गाउँपालिका-७ नेपालटारबजारमा बाम गठबन्धनको चुनावी सभालाई सम्बोधन गरी फर्कदैँ गर्दा बम विष्फोट गराइएको थियो ।

प्रतिनिधिसभा क्षेत्र नं २ का वाम गठबन्धनका उम्मेदवार शुरेस राई (हिमाल) र सोही क्षेत्रको प्रदेश १ का उमेदवार नारायण बुर्जा मगरलाई लक्षित गरी बम विष्फोट गराइएको थियो । अहिलेसम्म बाम लक्षित बम पड्काउने समेत गिरफ्तारीमा परेका छैनन् ।

त्यसैगरी १२ घण्टा बित्न नपाउँदै उदयपुरमा उम्मेदवारलाई लक्षित गरी अज्ञात समूहले मङ्सिर १२ गते बम विष्फोट गराएको छ ।

उदयपुरको प्रतिनिधि सभा निर्वाचन क्षेत्र १ का नेपाली काङ्ग्रेसका उम्मेदवार तथा पूर्व सहरी विकास मन्त्री डा. नारायण खड्कामाथि माइन बम प्रहार भएको हो ।

त्रियुगा नगरपालिका-१० स्थित बेलदोभानमा आयोजित काङ्ग्रेसको चुनावी सभालाई सम्बोधन गरी फर्कने क्रममा खड्कामाथि बाबरीमा अज्ञात समूहले माइन बम प्रहार गरेको जिल्ला प्रहरी कार्यालय उदयपुरका डिएसपी मेघराज अधिकारीले जानकारी दिए ।

'खड्का चढेको गाडीलाई लक्षित गरी बाबरी भन्ने स्थानमा बम प्रहार गरिएको रहेछ ।'-उनले भने- 'खड्का चढेको गाडी आगडि बढिसकेकाले कुनै पनि क्षति भएन । प्रहरीका अनुसार बम प्रहार गर्ने व्यक्ति भागेकाले खोजी कार्य भइरहेको छ ।'

अनलाइन डेस्क