समाचारहरू

हेटौँडा उपमहानगरपालिका–१५ स्थित रिद्धीसिद्धी सिमेन्ट उद्योगका महिला कर्मचारीमाथि दुर्व्यवहार गरेको आरोपमा प्रहरीले फागुन १७ गते उद्योगका महाप्रबन्धक तथा पूर्व एसएसपी ५८ वर्षीय लोकेन्द्रबहादुर मल्ललाई गिरफ्तार गरेको छ ।

आरोपितले उद्योगमा कार्यरत महिला कर्मचारीमाथि फागुन १५ गते दुर्व्यवहार गरेको आरोपमा पीडित महिलाहरूले जिल्ला प्रहरी कार्यालयमा सोही दिन उजुरी दिएका थिए ।

जिल्ला प्रहरी कार्यालय मकवानपुरका प्रहरी निरीक्षक अम्मरबहादुर गजमेरले महिला कर्मचारीले आफूमाथि दुर्व्यवहार गरेको भनी मल्लविरुद्ध उजुरी दिएपछि सोधपुछका लागि बोलाइएका मल्ललाई गिरफ्तार गरी अनुसन्धानका लागि हिरासतमा राखिएको बताउनु भयो ।

उहाँले मल्ललाई प्रमुख जिल्ला अधिकारीमार्फत सात दिन हिरासतमा राखेर आवश्यक अनुसन्धान गर्न म्याद लिइएको बताउनु भयो ।

पुष्पराज अधिकारी