समाचारहरू

दुई वर्षीया बालिकालाई ‘बलात्कार’ गरी हत्या प्रयास गरेको आरोपमा प्रहरीले महागढीमाई नगरपालिका–१ सेमरा तेगछिया गाँउकी ४० वर्षीया कलावती देवी गिरीलाई जेठ २४ गते गिरफ्तार गरेको छ ।

पीडित बालिकालाई आरोपित गिरीले जेठ २३ गते दिउँसो प्लाष्टिकको डोरीले दुवै हात बाँधेर मुख र गुप्ताङ्गमा कपडाका टुक्राहरु कोचेको जिल्ला प्रहरी कार्यालयका डिएसपी रञ्जितसिंह राठौरले बताए ।

आरोपित गिरीले पीडित बालिकाको घरपरिवारसँग रहेको रिसइवी साँध्ने मनसायले हत्या प्रयास गरेको स्थानीयको आरोप छ ।

प्रहरीले जबरजस्तीकरणी तथा ज्यान मार्ने उद्योगमा मुद्दा दर्ता गरी अनुसन्धान गर्नका लागि बारा जिल्ला अदालतबाट जेठ २४ गते पाँच दिनको म्याद थप गराएको डिएसपी राठौरले बताए ।

मुलुकी अपराध संहिताले यस्तो हर्कतलाई पनि बलात्कार मान्छ । त्यसैले प्रहरीले जबरजस्तीकरणी र ज्यान मार्ने उद्योगमा उनीमाथि अनुसन्धान थालेको छ । पीडित बालिकाको स्वास्थ्य परीक्षण जेठ २४ गते कलैया अस्पतालमा गरिएको छ ।

भोलानाथ पौडेल