तेस्रोलिङ्गी भुजेलको हत्या घटनामा संलग्न पाँच आराेपित प्रहरीद्वारा सार्वजनिक

  ०७६ माघ २१ गते

०७६ माघ २१

हत्या भएको १८ दिनपछि मकवानपुर प्रहरीले तेस्रोलिङ्गी अजिता भुजेलको हत्यामा संलग्न रहेकाे पाँचजना आराेपिलाई सार्वजनिक गरेको छ । प्रहरीले माघ २१ गते पत्रकार सम्मेलन गरी हेटौंडा उपमहानगरपालिका–११ की २९ वर्षीया अजिता भुजेलको हत्यामा संलग्न रहेको भन्दै पाँच जनालाई सार्वजनिक गरेको हो ।

IMG_8307

हत्या अभियोगमा प्रहरीले गिरफ्तार गरि हेटौंडा–९ का १८ वर्षीय सिमोन परियार, हेटौंडा–११ की २० वर्षीया एलिसा पाख्रिन, हेटौंडा–४  का २५ वर्षीय सुशील थापा मगर, २४ वर्षीय आशिष बल र २१ वर्षीय बुद्ध लामालाई सार्वजनिक गरेको हो । प्रहरीका अनुसार ना ६ ख ६५२७ नम्बरको ट्रकका सहचालक परियार र थापा मगरले भुजेलसंग हेटौंडा–११ थानाभर्याङमा सातहजार रूपैयाँमा यौन सम्पर्क गरि विवाद भएपछि उनीहरूसहित चारजनाले हत्या गरेका थिए । हत्या गरेर शव ट्रकमै राखेर क्याम्पाडाँडामा फालेको प्रहरी उपरिक्षक सुशीलसिँह राठौरले बताउनुभयो ।

हत्यापछि अजिताको मोबाइल परियारले बुद्ध लामाको साथी आशिषलाई दिएका थिए । आशिषले आफ्नी श्रीमती एलिसालाई दिएका थिए । सोही मोवाईल अन भएपछि मोबाइल लोकेशनको आधारमा प्रहरीले उनीहरुलाई गिरफ्तार गरेको हो । महानगरीय प्रहरी महाशाखा टेकु र मकवानपुर प्रहरीको टोलीको अनुसन्धानबाट आराेपितलाई गिरफ्तार गरेको प्रहरी उपरीक्षक राठौरले जानकारी दिनुभयो । प्रहरीले उनीहरुलाई कर्तव्य ज्यान सम्बन्धि मुद्दा अघि बढाएको जनाएको छ । माघ ४ गते राती अजिताको घाँटीमा तारले बेरिएको र अर्धनग्न अवस्थामा हेटौंडा -५ क्याम्पाडाँडामा शव परेको थियो ।


पुष्पराज अधिकारी