समाचारहरू

जिल्ला कारागारमा पुर्पक्षका लागि थुनामा रहेका रुपन्देही जिल्ला तिलोतमा नगरपालिका –५ का ५५ वर्षीय राजन भनिने  रामप्रसाद पाण्डेको  लुम्बिनी प्रादेशिक अस्पताल, बुटवलमा उपचारको क्रममा भदौ २० गते मृत्यु भएको कारगार प्रशासनले जनाएको छ ।

शरिर सुन्निएका पाण्डेलाई  भदौ २० गते उपचारका लागि जिल्ला अस्पताल सन्धिखर्कमा लगिएकोमा जिल्ला अस्पताले बुटवल रिफर गरेपछि सोही दिन लुम्बिनी प्रादेशिक अस्पताल, बुटवलमा उपचार गराउने क्रममा मृत्यु भएको र उहाँलाई  मुटु सम्बधी रोग भएको अस्पतालले जानकारी दिएको जिल्ला कारागार प्रमुख कृष्णप्रसाद आचार्यले इन्सेक प्रतिनिधिसँगको  फोन सम्पर्कमा बताउनु भयो ।

जिल्ला अदालतले उहाँलाई  चोरी मुद्दामा ०७७ जेठ ११ गते पुर्पक्षका लागि थुनामा राख्न आदेश दिएको थियो ।

मृतकका आफन्तले शवको पोष्टमार्टम गराउन नमानेकोले पोष्टमार्टम नगरी शव परिवारको जिम्मा लगाइएको कारागार प्रमुख आचार्यले बताउनु भयो ।

नारायण भुसाल