जातीय विभेद घटनाका आरोपित विरूद्ध उजुरी दर्ता

  ०७७ असोज ११ गते

तिलोत्तमा नगरपालिका-१४ की २० वर्षीया सिर्जना जैसवाललाई जातीय विभेद गरेको अरोपमा प्रहरीले पति २१ वर्षीय शम्सेरबहादुर खत्री, ५५ वर्षीय चित्रबहादुर खत्री, दिदीहरु ३५ वर्षीया देवी खत्री भण्डारी र २७ वर्षीया कमला खत्री विरूद्ध असोज ८ गते उजुरी दर्ता गरेको छ ।

प्रेम विवाह गरेका आरोपितले साउन १४ गते दुई महिनाको गर्भपतन गराउनुको साथै भदौ ३० गते पानी नचल्ने कथित तल्लो जात भन्दै  गाली गलौज गरेको भन्दै  पीडित महिलाले असोज ७ गते जिल्ला प्रहरी कार्यालय बुटवलमा उजुरी दिनुभएको थियो ।

पीडितले दिएको उजुरीका आधारमा आरोपितहरू विरूद्ध जातीय छुवाछुत तथा कसुर सजाय ऐन २०६८ बमोजिम कारबाही अगाडि बढाइएको र आरोपितहरु फरार रहेकोले खोजी भइरहेको जिल्ला प्रहरी कार्यालयका डिएसपी खडकबहादुर खत्रीले बताउनु भयो ।


रीमा बिसी