छोरी हत्याको आरोपमा बाबु गिरफ्तार

  ०७६ चैत १२ गते

चङ्खेली गाउँपालिका–३ कालवाडास्थित ६ महिनाकी बालिकालाई हत्या गरेको घटनाको आरोपमा २९ वर्षीय बाबु दिनेश चौलागाईलाई प्रहरीले चैत १२ गते गिरफ्तार गरेको छ ।

चैत ११ गते साँझ ६ बजे छोरीको हत्या गरेको भन्दै आरोपित चौलागाईकी पत्नी र बाबु भिमप्रसाद चौलागाईले सोही दिन पिपलाङ प्रहरी चौकीमा उजुरी दिएपछि प्रहरीले गिरफ्तार गरेको जनाएको छ ।

प्रहरीका अनुसार शवको पोष्टमार्टमका लागि जिल्ला अस्पताल सिमकोट पठाइएको छ । घटनाका सम्बन्धमा थप अनुसन्धान भइरहेको जिल्ला प्रहरी कार्यालयका डिएसपी रामप्रसाद घर्तीमगरले बताउनु भयाे ।


नन्द सिंह