छोराको कुटपिटबाट घाइते आमा अस्पताल भर्ना

  ०७६ मङ्सिर १८ गते

रुपनी गाउँपालिका–३ कटैयाका ७० वर्षीया मगनीदेवी माझीलाई ४० वर्षीय कान्छो छोरा धर्मदेव माझीले मङ्सिर १७ गते राति कुटपिट गरेको पीडितले आरोप लगाउनुभएको छ ।

कुटपिटबाट घाइते पीडितको उपचारका लागि राजविराजस्थित गजेन्द्रनारायण सिंह अस्पतालमा भर्ना गरिएको छ ।

पीडितका ७५ वर्षीय पति लछु मण्डलको दुर्घटनामा परी भाँचिएको गोडाको उपचार गर्न धेरै खर्च गरेको भन्दै आरोपित र उनकी ३५ वर्षीया पत्नी सीताकुमारी खडगाले लात, मुक्काले छाति र शरीरको विभिन्न अङ्गमा कुटपिट गरेको पीडितले बताउनु भयो ।

अस्पतालमा उपचाररत पीडितले प्रहरी चौकी पत्थरगाढामा मङ्सिर १७ गते उजुरी दिनु भएको पीडितकी छोरी श्यामकुमारी इशरले जानकारी दिनुभएको छ ।

इन्सेक सप्तरीको सिफारिशमा एकद्वार सङ्कट व्यवस्थापन केन्द्र (ओसिएमसी) ले पीडितको उपचार र घाउ जाँच परीक्षण सुरू गरिएको छ ।


मनोहरकुमार पोखरेल