जबरजस्ती यौन कार्यमा लगाएको आरोपमा दुई जना गिरफ्तार

  ०७७ चैत १८ गते

दमक नगरपालिका–६ मा घर भाडामा लिएर जबरजस्ती यौन कार्यमा लगाएको आरोपमा प्रहरीले इलाम, चुलाचुली गाउँपालिका–४ की ३८ वर्षीया वण्ठी भनिने नन्दीता साँवा लिम्बू र मोरङ, पथरी शनिश्चरे नगरपालिका–३ की ३८ वर्षीया उर्मिला नेम्वाङलाई गिरफ्तार गरेको छ ।

आरोपितद्वयले घर भाडामा लिएर जबरजस्ती यौन कार्यमा लगाएको आरोपमा स्थानीयले सूचना दिएपछि अनुसन्धानका लागि आरोपितद्वयलाई दमक नगरपालिका–६ स्थित डेराबाट चैत १५ गते गिरफ्तार गरेको जिल्ला प्रहरी कार्यालय झापाका डिएसपी राकेश थापाले इन्सेक प्रतिनिधिसँगको फोन सम्पर्कमा बताउनु भयो ।

भाडामा लिएको घरबाट १७ वर्षीया बालिकादेखि ३९ वर्षीया महिलालाई उद्दार गरेको डिएसपी थापाले बताउनु भएको छ ।


नरेश खाती