घरेलु हिंसा पीडित महिलाले न्यायको पहल गरिदिन इन्सेकसमक्ष निवेदन

  ०७५ चैत २९ गते

घरेलु हिंसामा परेर पीडित भएको भन्दै मेलम्ची नपा–३ हैवुङकी २७ वर्षीया भावना बुढाक्षेत्री (घले) ले चैत २९ गते इन्सेक जिल्ला प्रतिनिधिको कार्यालयमा न्यायको लागि पहल गरिदिन निवेदन दिएकी छन् ।

पीडितले दिएको निवेदनमा माइलो ससुरा सानो रामबहादुर घले र जेठाजु ज्ञानेन्द्र घलेले विभिन्न समयमा पटकपटक कामीको छोरी भन्दै गालीगलौज गरी कुटपिट गर्ने प्रयास गरेको र माइलो ससुराले आफ्नो यौनाङ्ग देखाएर दुव्र्यवहार गर्ने गरेको कुरा पीडितको निवेदनमा उल्लेख छ ।

विगत १२ वर्ष अधि सेनामा जागीर भएका बेला रबिन्द्र घलेले फकाएर सुर्खेत जिल्लाको साविक राकम गाविस–८ बाट प्रेम विवाह गरी भावनालाई सिन्धुपाल्चोक ल्याएका थिए ।

पतिले प्रेम विवाह गरी घर ल्याएपछि आफू क्षेत्रीको छोरी भएको भन्दा पनि कामीको छोरी होस् भन्दै कुलपुजामा प्रवेश गर्न समेत नदिएपछि विगत पाँच वर्षदेखि माइती बस्दै आएको पीडितले बताइन् ।

इन्सेक जिल्ला प्रतिनिधिको कार्यालयमा पीडितले दिएको निवेदनका आधारमा आरोपितलाई कानुनी कारवाहीको लागि जिल्ला प्रहरी कार्यालयमा उजुरी लेखाएर दर्ता गर्ने प्रक्रियामा सहयोग पुर्‍याएको इन्सेक प्रतिनिधि नातिबावु धितालले बताए ।

आरोपितलाई कानुनी दायरामा ल्याउन सहयोग पुर्‍याउन पीडितले इन्सेक प्रतिनिधिलाई लिखित अनुरोध गरेकीले उजुरी दर्ता प्रक्रियामा इन्सेकले सहयोग पुर्‍याएको हो ।


नातिबावु धिताल