घरेलु हिंसा पीडित महिलाद्वारा इन्सेकको सहयोगमा उजुरी दर्ता

  ०७७ माघ १५ गते

इन्सेकको सहयोगमा घरेलु हिंसा पीडित २० वर्षीया महिलाले माघ १४ गते इलाका प्रहरी कार्यालय, कोहलपुरमा उजुरी दर्ता गराएका छन् ।

राप्तिसोनारी गाउँपालिका – ८ का २४ वर्षीय करन खत्रीले ललाई फकाई विवाह गरेको र घरपरिवारले अन्तर जातीय विवाह भनेर स्वीकार नगरेपछि  एक वर्षसम्म कोठा भाडा लिएर राखेको पीडितले बताउनु भयो ।  दिनहु शारिरिक मानसिक यातना दिएको भन्दै आवश्यक सहयोग गरिदिन इन्सेक लुम्बिनी प्रदेश कार्यालय, नेपालगञ्जमा माघ १३ गते निवेदन दिनु भएको थियो ।

खत्रीले ०७६ फागुन ६ गते विवाह गरेका थिए ।   उहाँले पति सम्पर्क विहीन भएपछि आफु माइती घरमा बस्दै आएको बताउनु भयो ।

इन्सेक नेपालगञ्जले पीडितलाई कानुनी प्रक्रियामा सहयोग गरिदन राष्ट्रिय मानव अधिकार आयोग र नेपालगञ्ज उच्च अदालत बार एशोसिएशनमा सिफारिस गरेको थियो ।

इलाका प्रहरी कार्यालय, कोहलपुरका सइ रणधिर जैसीले पीडितको उजुरीका  आधारमा आरोपितको खोजी कार्य  भइरहेको बताउनु भयो ।

 


स्मृति देवकोटा