घरेलु हिंसा घटनाका आरोपितविरूद्ध प्रहरीमा उजुरी दर्ता

  ०७६ साउन २० गते

खाँडाचक्र नपा-२ मान्मकी २७ वर्षीया जमना दमाईलाई ३० वर्षीय पति चरित्र दमाईले गालीगलौज, कुटपिट गर्दै घरनिकाला गरेको भनी पीडितले जिल्ला प्रहरी कार्यालय, कालिकोटमा साउन २० गते पतिविरूद्ध उजुरी दिएकी छिन् ।

आरोपित दमाइले साउन १९ गते राति मदिरा सेवन गरी फलामको रड प्रहार गर्दा पीडितको आँखा नजिकै गम्भीर चोट लागेको छ ।

पतिको कुटपिटबाट घाइते भएकी जमनाको उपचार जिल्ला अस्पताल, कालिकोटमा भएको छ ।

पीडितको उजुरीका आधारमा आरोपितलाई गिरफ्तार गरी कारवाही प्रक्रिया तत्कालै अगाडि बढाउने जिल्ला प्रहरी कार्यालय, कालिकोटका डिएसपी विनोद शर्माले जानकारी दिए ।

पीडित जमुनालाई आरोपित पतिले दैनिक धम्क्याउने, कुटपिट गर्ने, मादक पदार्थ सेवन गरी परपुरुषसँग यौन सम्बन्ध राखेको आरोप लगाउने गरेको पीडित महिलाले उजुरी दिने क्रममा बताएकी छिन् ।


कालीबहादुर मल्ल