घरेलु हिंसा घटनाका आरोपित गिरफ्तार

  ०७६ मङ्सिर ३ गते

आदर्श गाउँपालिका–१ बाँझककानीकी २० वर्षीया कामना खड्कालाई कुटपिट गरेको आरोपमा प्रहरीले  २० वर्षीय पति कृष्ण खड्कालाई मङ्सिर ३ गते गिरफ्तार गरेको छ ।

पीडित महिलालाई आरोपितले कात्तिक ३० गते कुटपिट गरेको भन्दै पीडित महिलाले महिला सेल, सिलगढीमा मङ्सिर २ गते उजुरी दिएपछि आरोपितलाई गिरफ्तार गरी थप अनुसन्धान भइरहेको महिला सेलका असई राम नाथले बताए ।

आरोपितले समान्य विषयलाई लिएर पटकपटक कुटपिट गर्दै आएका कारण प्रहरीमा उजुरी दिएको र छोडपत्र गरेर छुट्टै बस्ने पीडित महिलाले बताइन् ।

कुटपिटबाट घाइते भएकी पीडित महिलाको घाउजाँच तथा स्वास्थ्य उपचार मङ्सिर २ गते जिल्ला  अस्पताल, डोटीमा गरिएको छ ।


बासुदेब जोशी