घरेलु हिंसा गरेको ठहर गर्दै पतिलाई २४ दिन कैद फैसाल

  ०७३ साउन ३२ गते

केरुङ्गा गाविस-२ कि २९ वर्षीया सिर्जना भुसालाई घरेलु हिंसा गरेको ठहर गर्दै जिल्ला अदालतले सिर्जनाका ३३ वर्षीय पति पुनाराम भुसाललाई साउन ३१ गते २४ दिन कैद र १० हजार रुपियाँ जरिबानाको फैसला सुनाएको छ ।

न्यायाधीश केशवप्रसाद बास्तोलाको इजलासले प्रमाण र वयानको आधारमा अरोपितले पत्नीलाई घरेलु हिंसा गरेको ठहर गर्दै कैद र जरिानाको फैसला गरेको जिल्ला अदालत मुद्दा फाँटका नासु नारायण भट्टराईले जानकारी दिए ।

पतिले बारम्बार कुटपिट तथा मानसिक यातना दिएको भन्दै सिर्जनाले असार ७ गते न्यायको माग गर्दै प्रहरी कार्यालयमा उजुरी दिएकी थिइन् ।


नारायण भुसाल