गोली प्रहारबाट एक व्यापारी घाइते

  ०७६ भदौ १० गते

बलरा नपा-६ मिर्जापुरका ३४ वर्षीय राकेशकुमार सिंहलाई भदौ ४ गते गोली हानी घाइते बनाएको आरोपमा सोही ठाउँका २८ वर्षीय रामेश यादवलाई भदौ ८ गते गिरफ्तार गरिएको इलाका प्रहरी कार्यालय बलराले जनाएको छ ।

सिंहले मिर्जापुरमा व्यपार/व्यवसाय गरिरहेको अवस्थामा अनटेस्ट मोटरसाइकलमा सवार तीन जनाको समूहले गोली प्रहार गरेको आरोप छ ।

हतियारधारी समूहले गोली प्रहार गरी मिर्जापुर चोकको दक्षिण तर्फो बाटो हुँदै भारततिर भागेको स्थानीय बासिन्दाले जानकारी गराएको छ ।

सिंहको बाँया गोडामा गोली लागेको र बाँया हात भाँचिएको छ । घाइते सिंहको उपचार सर्लाही जिल्ला अस्पतालमा गरेपछि थप उपचारका लागि बीरगंज लगिएको छ ।

घाइते सिंहका बुबा उमाकान्त सिंहले इलाका प्रहरी कार्यालय बलरामा भदौ ५ गते उजुरी दिएका छन् । अन्य आरोपितको खोजी भइरहेको प्रहरीले जनाएको छ ।


बुधन साह