गाउँले बिच झडप, प्रहरीद्वारा दर्जनौ राउण्ड हवाइफायर र अश्रुग्यास प्रहार

  ०७५ असोज १० गते

रौतहटको श्रीपुरमा रहेको ढोरानदीको किनारमा शव जलाउने क्रममा गाउँलेको दुई पक्षबिच विवाद हुँदा असोज १० गते दिउँसो प्रहरीले गोली चलाउनु परेको छ ।

रौतहटको गरुडा नपा–९ स्थित श्रीपुरका ६५ वर्षीय रामप्रित सहनीको मृत्यु भइ शव जलाउने क्रममा विवाद भएको हो ।

दुवैपक्ष बिच झडप हुँदा प्रहरीले ३२ राउण्ड भन्दा बढी हवाइ फायर र २९ सेल अश्रुग्यास प्रहार गरेको जनाएको छ ।

झपडमा केही स्थानीय घाइते भएका छन् । झडपमा असई विश्वनाथ यादव घाइते भएको जिल्ला प्रहरी कार्यालय रौतहटले जनाएको छ ।

केही दिन अघि पनि सोही स्थानमा शव जलाउने क्रममा विवाद हुँदा जनप्रतिनिधि, स्थानीय प्रशासन र स्थानियबासीबिच छलफल भइ शव अन्यत्र जलाउने सहमति भएको थियो ।


केसी लामिछाने