समाचारहरू

३७ वर्षीया गर्भवति महिलालाई बलात्कार गरेको आरोपमा पुर्पक्षका लागि थुनामा रहेका बराहक्षेत्र नगरपालिका–८ किराँतचोक सुनसरीका ३७ वर्षीय राजु राईलाई जिल्ला अदालत उदयपुरले मङ्सिर १९ गते १२ वर्ष कैद सजायको फैसला सुनाएको छ ।

 

न्यायाधीश मनोज केसीको इजलासले कसुर ठहर गर्दै बलात्कार कसुरमा नौ वर्ष र पीडित गर्भवति रहेको अवस्थामा (गर्भवतिलाई बलात्कार गरेकोमा) थप तीन वर्ष गरी १२ वर्ष कैद भुक्तान हुने गरी फैसला सुनाएको हो ।

 

कसुरदारले ०७५ पुस २४ गते पीडितलाई बलात्कार गरेको भन्दै पीडित पक्षले इलाका प्रहरी कार्यालय रामपुरमा पुस २९ गते उजुरी दिएको थियो ।

 

पीडित महिलाको स्वास्थ्य परीक्षण पुस ३० गते जिल्ला अस्पतालमा गरिएको थियो । पुस २९ गते गिरफ्तार परेका कसुरदारलाई अदालतले माघ १७ गते पुर्पक्षका लागि थुनामा राख्ने आदेश दिएको थियो ।

भरत खड्का