खुकुरी प्रहार गरी घाइते बनाएको आरोपमा पति गिरफ्तार

  ०७६ कात्तिक २१ गते

भोजपुर नगरपालिका–४ की ७३ वर्षीया कुमारी दर्जीलाई खुकुरी प्रहार गरी घाइते बनाएको आरोपमा प्रहरीले ७५ वर्षीय पति शरणबहादुर दर्जीलाई कात्तिक २० गते गिरफ्तार गरेको छ ।
विवादका क्रममा पीडितलाई आरोपितले कात्तिक १९ गते खुकरी प्रहार गरी घाइते बनाएको जानकारी स्थानीयले दिएपछि आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर पाण्डवकुमार राजवंशीले बताए ।
घाइतेको उपचारका लागि कात्तिक १९ गते जिल्ला अस्पतालमा लगेपनि यहाँ उपचार सम्भव नभएपछि नोवेल अस्पताल विराटनगरमा लगी कात्तिक २० गतेदेखि उपचार भइरहेको छ ।


गणेश विष्ट