खाने पानी र फोहर व्यवस्थापन हुँन नसक्दा कैदीबन्दीलाई समस्या
जिल्ला कारागार बझाङमा खानेपानीको समस्या हुँदा कैन्दीबन्दीहरूले समस्या झेल्दै आएका छन् ।
कारागारमा खाने पानीको समस्या हुदाँ खान बनाउन, सरसफाई गर्न र शौचालन समेत प्रयोग गर्न समस्या भएको जिल्ला कारागारमा रहेका थुनुवा नाइके हिक्मत खड्काले बताउनु भयो ।
उहाँले भन्नु भयो –‘कारागरा भित्र एक ओटा मात्रै धारा छ । धारामा कहिले काही मात्रै पानी आउने गरेको छ । कारागार भित्र क्षमता भन्दा दोब्बर कैदीबन्दीहरू छन् । तर,खानेपानी, फोहरको व्यवस्थापन हुन नसक्दा समस्या भएको छ । समस्या समाधान गर्न कसैले चासो दिएको छैन् । ’
२५ जनाको क्षमता रहेको ङ श्रेणीको जिल्ला कारागारमा हाल ६० जना कैन्दीबन्दीहरूलाई राखिदै आइएको छ । जसमध्ये ४२ जना कैदैबन्दी र १८ जना थुनुवा रहेका छन् । सुरक्षाकर्मी गरी ८० जना भन्दा बढी कारागारमा बस्ने गरेका छन ।
धारामा कहिले काही पानी आउने भएका कारण खाना पकाउनका लागि पानी भर्न एक जनाले २४ घण्टा धारा कुरेर बस्नु पर्ने बाध्यता रहेको कैदीबन्दीहरूको गुनासो रहेको छ ।
कारागारमा खाने पानीको मात्रै समस्या नभएर फोहर व्यवस्थापनमा समेत समस्या भएको जेलर झलक रोकायले बताउनु भयो ।
खाने पानीको समस्या समाधान गर्न पाइप लाइनहरू व्यवस्थित गर्ने काम भइरहेकोले खाने पानीको समस्या छिट्टै समाधान हुने जेलर रोकायको भनाइ छ ।
वहाँले भन्नु भयो –‘कारागारामा खाने पानीको समस्या त छ नै । फोहर व्यवस्थापनको समया पनि दिन प्रतिदिन बढदै गएको छ । यसका लागि जयपृथ्वी नगरपालिकालाई पटक पटक अनुरोध गर्दा नगरपालिकाले चासो दिएको छैन् । ’
जयपृथ्वी नगरपालीकाका प्रमुख प्रसासकिय अधिकृत मंगल शाहीले नगरपालिकामा ल्याइएका डस्टविनहरू वितरण गरिसकिएकोले हाललाई कारागारमा रहेको फोहर उठाउन नसकिएको बताउनु भयो ।
उहाँले भन्नु भयो –‘थप डस्टविनहरू माग गरिएको छ । डस्टविन आउन साथ नगरपालिकाबाट गाडी पठाएर फोहर उठाउने तयारी भइरहेको छ । ’
रमेश के सी
सम्बन्धित समाचारहरू
नागरिकको जीवन रक्षा तथा अहरणीय अधिकारको संरक्षण गर्न माग
नागरिकको जीवन रक्षा तथा अहरणीय अधिकारको संरक्षण गर्न राष्ट्रिय मानव अधिकार आयोग, नेपालगञ्ज, इन्सेक प्रदेश ५ लगायतका सङ्घसंस्थाहरूले चैत २६ गते विज्ञप्ति प्रकाशन गरी माग गरेका छन् । उनीहरूले कोरोना…
कोरोना भाइरससम्बन्धी प्रदेश २ को अवस्था
प्रदेश २ अन्तर्गत आठ ओटै जिल्लामा १ सय ४५ स्थानमा ३ हजार २ सय १५ क्वारेन्टाइन बेड रहेको छ । हालसम्म ९ सय ९ जनालाई क्वारेनटाइनमा राखिएको छ । चिकित्सकको…
कोरोना भाइरससम्बन्धी प्रदेश ५ को अवस्था
कोराना भाइरसको सङ्क्रमणको त्रास रहेको अवस्थामा जानकारी बिना अनुपस्थित हुने लुम्बिनी प्रादेशिक अस्पताल, बुटवलमा कार्यरत पाँच चिकित्सकहरूलाई सेवाबाट हटाइएको छ । इन्सेक रूपन्देही जिल्ला प्रतिनिधि रिमा बिसीका अनुसार प्रतिविश्वमा महामारीको…
कोरोना भाइरस सम्बन्धी सुदूरपश्चिम प्रदेशको अवस्था
इन्सेक सुदूरपश्चिम प्रदेश अन्तर्गत कार्यरत इन्सेक जिल्ला प्रतिनिधिहरूले चैत २६ गते पठाउनु भएको सूचनाका आधारमा उच्च सतर्कताका लागि प्रदेश अन्तर्गत स्थानीय तहले गरिरहेका कार्यहरू र समस्याहरूको जिल्लागत अवस्था विश्लेषण गरिएको…
कोरोना भाइरससम्बन्धी प्रदेश १ को अवस्था
प्रदेश १ का १ सय ३७ ओटै स्थानीय तहमा कोभिड-१९ विरूद्ध अभियानहरू सञ्चालन गरिएको छ । प्रदेश १ को मुख्यमन्त्री तथा मन्त्रिपरिषद्को कार्यालयका अनुसार ०७६ चैत २६ गतेसम्ममा कोरोना भाइरससँग…
