खाद्य सङ्कटलगायतका समस्या समाधानको माग गर्दै प्रधानमन्त्रीलाई ज्ञापन पत्र
कर्णाली क्षेत्रमा हुने गरेको खाद्यान्न सङ्कटको समस्यालाई समाधान गर्नका लागि भूगोल र हावापानी सुहाउँदो सिञ्चाई प्रविधिको विकास र तत् सम्बन्धि कार्यक्रम र्सार्वजनिक गर्नुपर्ने मागसहित कालीकोटबासीले भदौ २९ गते प्रधानमन्त्रीलाई आठबुँदे ज्ञापन पत्र बुझाएका छन् ।
कर्णालीका नागरिकहरूकोतर्फबाट कर्णाली कृषि तथा खाद्य सरोकार समूह, सञ्चारकर्मी, अधिकारकर्मी र नागरिक समाजको टोलीले जिल्ला प्रशासन कार्यालय कालीकोटका प्रमुख जिल्ला अधिकारी कृष्णबहादुर खड्कामार्फ ज्ञापनपत्र बुझाएका हुन् ।
प्रधानमन्त्रीले भदौ २४ गते संसदलाई सम्बोधन गर्दै कर्णाली अञ्चलका सबै जिल्लामा जन्मदा र मृत्यु हुँदा २० किलो चामल दिने निर्णयले कर्णालीलाई खाद्यान्न परनिर्भरतातर्फ लैजाने साथै कर्णालीबासीको अपमान गरेको भन्दै उक्त कार्यक्रम तत्काल फिर्ता लिन माग गरिएको छ । उनीहरूले कर्णाली क्षेत्रमा उत्पादन हुने स्थानीय कृषि बालीहरूमा लगानी बढाउनसमेत माग गरेका छन् ।
ज्ञापनपत्रमार्फत रैथाने खाद्य बाली तथा फलफूलहरूको प्रवर्धन र प्रशोधन साथै बजारीकरण गर्न र कर्णाली क्षेत्रमा पाइने जडिबुटी, जल, जङ्गलको संरक्षण, जडिबुटी बाली संरक्षण र उत्पादनमा बृद्धि तथा जलविद्युतमा लगानीको वातावरण बनाउनसमेत माग गरिएको छ ।
त्यसैगरी कर्णाली क्षेत्रको हावापानी भूगोल सुहाउँदो कृषि विश्वविद्यालयको स्थापना गर्नुपर्ने, कर्णाली क्षेत्र धेरैजसो ठाउँमा ग्रामीण कृषि सडक नभएकोले कृषि उत्पादन सहज रूपमा बजारीकरण गर्न समस्या देखिएकाले कृषि सडकहरूको कार्य सम्पन्न र स्तरउन्नतिका साथै आवश्यक नयाँ कृषि सडक निर्माण गर्नुपर्ने माग गरिएको छ । कर्णाली क्षेत्रका जिल्लाहरूमा जैविक मल उत्पादन गर्ने कारखानाको स्थापना गर्न माग गरिएको सरोकार समूहका क्षेत्रीय संयोजक मायाराम महतराले जानकारी दिए ।
' कर्णालीमा उत्पादन हुने स्थानीय बाली, फलफूल तथा जडिबुटीहरू र जलको उचित प्रवर्धन नगरी यस क्षेत्रका जनताहरूले परपराम्पत खेती प्रणाली र आयतित चामलमा भर परेका कारण स्थानीय बाली उत्पादनमा कमी आउन पुग्यो ।'-संयोजक महतराले भने,-'यसै कारणले खाद्यान्नमा समस्या व्यहोर्दै आएका कर्णालीबासीलाई वर्तमान सरकारका प्रधानमन्त्री पुष्पकमल दाहालले जन्मदा र मर्दा २० किलो चामल दिने भनी गरेको सम्बोधनले गहिरो चोट पुर्याएको छ ।'
सरोकार समूहले ज्ञापनपत्रसँगै चिनो कागुनो सिमी र रातो मार्सी जिल्ला प्रशासन कार्यालय कालीकोटका प्रमुख जिल्ला अधिकारीमार्फ पठाएको छ ।
कालीबहादुर मल्ल
संबंधित समाचारहरू
बलात्कार गरेको कसुरमा सात वर्ष कैद सजायको फैसला
१५ वर्षीया बालिकालाई बलात्कार गरेको आरोपमा पुर्पक्षका लागि थुनामा रहेका त्रियुगा नगरपालिका–९ गैरूनका २५ वर्षीय विनोद परियारलाई जिल्ला अदालतले कात्तिक २८ गते सात वर्ष कैद सजाय फैसला गरेको छ ।…
मानव बेचबिखन प्रयास घटनाका आरोपित गिरफ्तार
२० वर्षीया युवतीलाई बेचबिखन गर्न लागेको आरोपमा प्रहरीले पाल्हीनन्दन गाउँपालिका–३ बस्ने ३५ वर्षीय मनोज धोवीलाई कात्तिक २६ गते गिरफ्तार गरेको छ । युवतीलाई कात्तिक २६ गते भारततर्फ लैजाने क्रममा नेपाल…
चार महिनादेखि सुत्केरी महिलाहरूले यातायात र प्रोत्साहन भत्ता पाएनन्
सिस्ने गाउँपालिका–५ र ६ वडाका सुत्केरी महिलाले साउन महिनादेखि सुत्केरी प्रोत्साहन भत्ता पाउन सकेका छैनन् । सिस्ने गाउँपालिका–५ रूकुमकोटस्थित जिल्ला अस्पतालमा प्रसूति भए पनि नियमअनुसार भत्ता नपाएको उनीहरूको गुनासो छ …
दोलखाका दुई स्वास्थ्य चौकीमा एकजना पनि स्वास्थ्यकर्मी छैनन्, सेवाग्राही मर्कामा
दोलखाको शैलुङ गाउँपालिकाको दुई ओटा स्वास्थ्य चौकीमा स्वास्थ्यकर्मी नहुँदा सेवाग्राही मर्कामा परेका छन् । कर्मचारी समायोजन भएर गएपछि गाँउपालिकामा रहेका ६ ओटा स्वास्थ्यचौकीमध्ये वडा नम्वर ८ मा रहेको भैँसे स्वास्थ्यचौकी…
पत्नी कुटपिट घटनाका आरोपित गिरफ्तार
रामग्राम नपा–११ की ३३ वर्षीया सिता चौधरीलाई कुटपिट गरेको आरोपमा प्रहरीले ३४ वर्षीय पति जितेन्द्र चौधरीलाई कात्तिक २७ गते गिरफ्तार गरेको छ । पीडित महिलालाई आरोपितले कात्तिक २६ गते कुटपिट…
