खाद्यान्न लिन सात दिनको बाटो
नेपाल खाद्य संस्थान, हुम्लाको सर्केगाड गाउँपालिकामा रहेको सर्केगाड डिपो तथा देउली र श्रीनगर विक्री केन्द्रमा खाद्यान्न ढुवानीको जिम्मा लिएका ठेकेदारले हालसम्म खाद्यान्न ढुवानी नगर्दा स्थानीयलाई समस्या भएको छ ।
खाद्यान्न ढुवानी नहुँदा सो क्षेत्रका स्थानीय सात दिनको बाटो हिँडेर मुगुको सदरमुकाम गमगढी तथा सोरु गाउँपालिका–८ तारापानीमा खाद्यान्न लिन जान बाध्य छन् ।
हुम्ला जिल्ला सर्केगाड गाउँपालिकामा रहेको नेपाल खाद्य संस्थानको डिपो तथा देउली र श्रीनगर विक्री केन्दमा ढुवानीको जिम्मा लिएको ॐ जय दुर्गे अर्डर सप्लायर्सका सञ्चालक दुर्गा बुढाले हालसम्म खाद्यान्न ढुवानी नगर्दा हुम्लीबासीलाई समस्या भएको हो ।
गाउँपालिकामै रहेका नेपाल खाद्य संस्थानको खाद्यान्न डिपो तथा विक्री केन्द्रमा खाद्यान्न नभएपछि सर्केगाड गाउँपालिका–३ का दिलबहादुर थापा र विरबहादुर फडेराले खाद्यान्न लिन भेडा बाख्रा सहित सात दिन लगाएर मुगु जिल्लाको सोरु गाउँपालिका–८ तारापानी आइपुगेको बताए ।
गाउँमा खाद्यान्न पुगेपनि खाद्य संस्थानका डिपो तथा विक्री केन्द्रबाट वर्षभरी ३० किलो चामल लिन पनि नेताहरूको पहुँच चाहिने चामल लिन मुगु पुगेका सर्केगाड गाउँपालिकाका रोशन फडेराले बताए ।
व्यापारीहरूबाट खाद्यान्न किन्दा प्रत्येक ३० किलोको बोरामा संस्थानको दरभन्दा २ सय रुपियाँ बढी मुल्य तिरेर खाद्यान्न किन्नु परेको स्थानीयहरू बताउँछन् ।
गाउँपालिकामा रहेका खाद्यान्न डिपो र विक्री केन्द्रमा साउन यता खाद्यान्न नपाएकोले समयसमयमा भेडाच्याङ्ग्रामार्फत मुगुको सदरमुकाम गमगढी र सोरु गाउँपालिकाको तारापानी आउनु परेको दिलबहादुर थापाले बताए ।
आर्थिक वर्ष २०७६/०७७ का लागि नेपाल खाद्य संस्थान, केन्द्रीय कार्यालयले सर्केगाड डिपोका लागि मुगु खाद्य संस्थानबाट १ हजार क्वीन्टल, खाद्य संस्थान प्रदेश कार्यालय सुर्खेतबाट १ हजार ५ सय गरी २ हजार ५ सय क्वीन्टल खाद्यान्न कोटा निर्धारण गरेको छ ।
देउली विक्री केन्द्रका लागि सुर्खेतबाट ८ सय र श्रीनगर विक्री केन्द्रका लागि धनगढी र सुर्खेतबाट १–१ हजार गरी २ हजार क्वीन्टल खाद्यान्न कोटा निर्धारण गरिएको नेपाल खाद्य संस्थान, मुगु शाखाका प्रमुख कर्ण रावलले जानकारी दिए ।
मुगु खाद्य संस्थानमा अहिले खाद्यान्न मौज्दात पर्याप्त रहेपनि ति स्थानमा ढुवानीका लागि ठेकेदार पक्ष सम्पर्कमा नरहेको र केही दिनमै ढुवानीका लागि ताकेता गर्ने खाद्य संस्थान, मुगुले जनाएको छ ।
जीवन सेजुवाल
संबंधित समाचारहरू
सात महिनादेखि खोप केन्द्रमा खानेपानीको अभाव, सेवाग्राही मर्कामा
भूमे गाउँपालिका–२ खेबाङको खोपकेन्द्रमा सात महिनादेखि खानेपानीको अभाव हुँदा सेवाग्राहीहरू मर्कामा परेका छन् । १५ महिना मुनिका नवजात शिशुलाई हरेक महिनामा नेपाल सरकारले राष्ट्रिय रूपमा नै खोप दिँदै आएको छ…
कर्णाली प्रदेशका मानव अधिकार रक्षकहरूको अवस्थाका बारेमा छलफल
कर्णाली प्रदेशका मानव अधिकार रक्षकहरू काम गर्ने क्रममा असुरक्षित रहेको एक कार्यक्रमका सहभागीहरूले बताउनुभएको छ । अनौपचारिक क्षेत्र सेवा केन्द्र (इन्सेक) कर्णाली प्रदेश कार्यालयले मङ्सिर २० गते सुर्खेतस्थित कार्यालयमा आयोजना…
बलात्कार प्रयास रहेको कसुरमा चार वर्ष कैद
बोलाइसम्बन्धी अपाङ्गता भएकी १८ वर्षीया युवतीलाई बलात्कार प्रयास गरेको आरोपमा पुर्पक्षका लागि थुनामा रहेका हल्दीबारी गाउँपालिका–३ का ४७ वर्षीय लक्ष्मण तामाङ वाइवालाई जिल्ला अदालत झापाले मङ्सिर २० गते चार वर्ष…
नागरिकका अधिकारका विषयमा प्रदेश सरकार संवेदनशीलः मन्त्री बराल
नागरिकका अधिकारको विषयमा प्रदेश सरकार संवेदनशील रहेको प्रदेश ५ का सामाजिक विकासमन्त्री सुदर्शन बरालले बताउनु भएको छ । राष्ट्रिय मानव अधिकार आयोगले मङ्सिर २० गते बुटवलमा आयोजना गरेको विश्वव्यापी आवधिक…
लोपोन्मुख माझी समुदाय व्यवसायबाट वञ्चित
लामो समयदेखिको जग्गा विवादका कारण पर्वतको मालढुङ्गामा बसोबास गर्दै आएका २४ माझी समुदाय व्यवसायबाट वञ्चित भएका छन् । वर्षौँदेखि कालीगण्डकी नदी किनारमा बस्दै आएका लोपोन्मुख समुदाय अन्तर्गतका माझी परिवारहरू जग्गा…
