कोभिड–१९ को सङ्क्रमणसम्बन्धी दैनिक अपडेट (असोज २४ गते)
असोज २४ गते ५ हजार ८ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या १ लाख ५ हजार ६ सय ८४ पुगेको स्वास्थ्य तथा जनसङ्ख्या मन्त्रालयले जनाएको छ । जसमध्ये ३० प्रतिशत महिला र ७० प्रतिशत पुरुष रहेका छन् । गत २४ घण्टामा १९ हजार ३ सय २० जनाको स्वाब परीक्षण गरिएको मन्त्रालयले जनाएको छ । मन्त्रालयले जारी गरेको स्थिति प्रतिवेदन अनुसार असोज २४ गतेसम्म ६ सय १४ जना कोभिड–१९ सङ्क्रमितको मृत्यु भएको छ । सङ्क्रमितमध्ये ७४ हजार २ सय ५२ जना निको भएका छन् । असोज २४ गते १ हजार २ सय २९ जना निको भएका छन् भने निको हुनेको दर ७०.३ प्रतिशत रहेको मन्त्रालयले जनाएको छ । ३० हजार ८ सय १८ जनाको उपचार भइरहेको छ । मन्त्रालयका अनुसार १७ हजार १ सय ६४ जनाको उपचार होम आइसोलेशनमा भइरहेको छ । ३ सय २१ जनाको उपचार आइसीयूमा र ७७ जनाको उपचार भेण्टिलेटरमा भइरहेको छ ।
बागमती प्रदेश
रामेछाप प्रतिनिधि नवराज घिमिरेका अनुसार खाँडादेवी गाउँपालिकाका कर्मचारीमा कोभिड–१९ को सङ्क्रमण पुष्टि भएपछि गाउँपालिले असोज २४ गते सूचना जारी गरी गाउँपालिका कार्यालय र आसपासको क्षेत्रलाई सील गरेको जनाएको छ । गाउँपालिकाका एक जना कर्मचारीमा असोज २४ गते कोभिड सङ्क्रमण पुष्टि भएको गाउँपालिका अध्यक्ष प्रेमबहादुर तामाङले जानकारी दिनुभयो । सङ्क्रमित कर्मचारी होम आइसोलेशनमा बसेको उहाँले बताउनुभयो । अन्य कर्मचारी र जनप्रतिनिधिको स्वाब परीक्षण गरी रिपोर्ट आएपछि मात्र कार्यालय सञ्चालन हुने अध्यक्ष तामाङले जानकारी दिनुभयो । यसको लागि कम्तीमा पाँच दिन लाग्ने र यसबीचमा पालिकाले उपलब्ध गराउने सबै सेवा बन्द हुने पालिकाले जनाएको छ ।
लुम्बिनी प्रदेश
रुपन्देही प्रतिनिधि रीमा बिसीका अनुसार कोभिड सङ्क्रमित बुटवल उमनपा–९ की ५५ वर्षीया महिला र नवलपरासी (बर्दघाट सुस्ता पश्चिम) जिल्लाको सुनवल नगरपालिका–५ का ७६ वर्षीय बृद्धको असोज २३ गते लुम्बिनी प्रादेशिक अस्पतालमा उपचारको क्रममा मृत्यु भएको छ । एक साताअघि पीसीआर परीक्षण गर्दा कोभिड पोजेटिभ देखिएका नवलपरासीका बृद्धमा दम, उच्च रक्तचापको र ज्वरोको समस्या देखिएको थियो । महिलामा अरु कुनै समस्या नभएको अस्पतालका डाक्टर विष्णु गौतमले जानकारी दिनु भयो । यसैगरी, शुद्धोधन गाउँपालिका–६ का ५७ वर्षीय पुरुषको असोज २३ गते र बुटवल उपमनपा–१० का ७९ वर्षीय पुरुषको असोज २४ गते बुटवलस्थित कोरोना विशेष अस्पतालमा मृत्यु भएको लुम्बिनी प्रादेशिक अस्पताल बुटवलका डाक्टर सुदर्शन थापाले बताउनु भयो ।
पाल्पा प्रतिनिधि यज्ञमूर्ति तिमिल्सिनाका अनुसार निस्दी गाउँपालिका जनप्रतिनिधि र कर्मचारीहरू गरी १० जनामा एकै दिन कोभिड सङ्क्रमण पुष्टि भएपछि असोज २४ गतेदेखि कात्तिक १ गतेसम्म गाउँपालिकालाई सील गरिएको छ । गाउँपालिकाले सूचना जारी गर्दै कर्मचारी र जनप्रतिनिधिहरूको रिपोर्ट पोजेटिभ आएको र समुदायस्तरमै कोभिड सङ्क्रमण फैलनसक्ने उच्च जोखिम देखिएकोले निस्दी गाउँपालिका क्षेत्र पूर्ण रूपमा सील गरिएको जनाएको छ । यसैगरी, स्वास्थ्यकर्मीहरूमा सङ्क्रमण देखिएपछि पाल्पाको रामपुर अस्पतालले आकस्मिक बाहेकको अन्य सेवा असोज २३ गते रातिबाट बन्द भएको जनाएको छ ।
अनलाइन डेस्क
सम्बन्धित समाचारहरू
पुर्पक्षका लागि थुनामा रहेका बन्दीको मृत्यु
कालिञ्चोक गाउँपालिका–६ निवासी २८ वर्षीय हिमाल थामी वैशाख ३ गते जिल्ला कारागार शाखा चरिकोटको शौचालयको झ्यालमा झुण्डिएको अवस्थामा मृत फेला परेका छन् । थामी फागुन ८ गते पत्नीलाई खुकरी प्रहार…
विद्यार्थी सङ्गठनबीच भएको झडपमा दुई जना विद्यार्थी घाइते
भरतपुर महानगरपालिका–१६ स्थित रामपुर कृषि क्याम्पसमा वैशाख ३ गते दुई विद्यार्थी सङ्गठनबीच झडप हुँदा दुई जना घाइते भएका छन् । क्याम्पसमा नयाँ विद्यार्थी भर्नासम्बन्धी विषयमा विवाद हुँदा अखिल क्रान्तिकारी र…
यौन दुर्व्यवहार घटनाका आरोपित विरूद्ध उजुरी
१६ वर्षीया बालिकालाई यौन दुर्व्यवहार गरेको आरोपमा पीडितपक्षले सल्यान जिल्ला बागचौर नपा–२ का २८ वर्षीय किरण खड्का विरूद्ध वैशाख २ गते इलाका प्रहरी कार्यालय, तुलसीपुरमा उजुरी दर्ता गरेका छन् ।…
हत्या घटनाका आरोपितविरुद्ध उजुरी दिएपनि कारवाही नगरेको पीडित पक्षको आरोप
आदर्शकोटवाल गाउँपालिका–३ बतरा टोलकी २२ वर्षीया सरिताकुमारी मुखियालाई सिम्रोनगढ नपा–१ रामसागरढाट टोलका २६ वर्षीय पति लालु मुखिया र लालुका परिवारका चार जना सदस्य मिलेर कुटपिट गरी ०७७ फागुन २४ गते…
कोभिड–१९ को सङ्क्रमणसम्बन्धी दैनिक अपडेट (वैशाख ३ गते)
वैशाख ३ गते ८ सय ३६ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ८२ हजार ८ सय ९० पुगेको स्वास्थ्य तथा जनसङ्ख्या मन्त्रालयले जनाएको छ । गत…