कोभिड–१९ को सङ्क्रमणसम्बन्धी दैनिक अपडेट (मङ्सिर १२ गते)
मङ्सिर १२ गते १ हजार ७ सय ३ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख २९ हजार ३ सय ४३ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा १० हजार ४ सय ६० ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख १० हजार ६ सय ७१ जना निको भएका छन् । मङ्सिर १२ गते १ हजार २ सय ३६ जना निको भएका छन् भने निको हुनेको दर ९१.९ प्रतिशत रहेको मन्त्रालयले जनाएको छ । मङ्सिर १२ गतेसम्म १ हजार ४ सय ३५ जना कोभिड सङ्क्रमितको मृत्यु भएको मन्त्रालयले जनाएको छ । १७ हजार २ सय ३७ जनाको उपचार भइरहेको छ । १० हजार ९ सय ४४ जना होम आइसोलेशनमा छन् भने ३ सय ५४ जनाको उपचार आइसीयूमा र ५४ जनाको उपचार भेण्टिलेटरमा भइरहेको छ । मन्त्रालयका अनुसार मनाङ र डोल्पामा सक्रिय सङ्क्रमित छैनन् भने काठमाडौँ, ललितपुर, भक्तपुर र कास्कीमा ५ सयभन्दा बढी सक्रिय सङ्क्रमित छन् ।
गण्डकी प्रदेश
तनहुँ प्रतिनिधि प्रकाशचन्द्र भट्टराईका अनुसार वडा कार्यालय नजिकै घर भएका एक पुरुषको कोभिड–१९ को कारण मृत्यु भएपछि म्याग्दे गाउँपालिका–७ को सेवा मङ्सिर १८ गतेसम्मका लागि बन्द गरिएको छ । वडा कार्यालयले एक सूचना प्रकाशन गरी मङ्सिर १२ गतेदेखि १८ गतेसम्म वडा कार्यालयको सेवा बन्द गरिएको वडा अध्यक्ष पद्मराज वाग्लेले बताउनुभयो । मृतकको परिवार र उनका नजिकका व्यक्तिको कन्ट्याक्ट ट्रेसिङ गरी स्वाब परीक्षण गरेर रिपोर्ट नआउँदासम्म वडा कार्यालयबाट प्रवाह हुने सम्पूर्ण सेवा बन्द गर्ने निर्णय गरिएको गाउँपालिकाका प्रमुख प्रशासकीय अधिकृत नारयणप्रसाद अधिकारीले बताउनुभयो ।
सुदूरपश्चिम प्रदेश
बैतडी प्रतिनिधि नरी बडुका अनुसार डिलाशैनी गाउँपालिका–३ स्थित एक प्रहरी चौकीमा कार्यरत सबै नौ जना प्रहरीमा कोभिड पुष्टि भएपछि सो चौकी बन्द गरिएको छ । सो प्रहरी चौकीबाट प्रदान गरिने सेवा ठप्प भएको छ । सो चौकीमा कार्यरत सबै प्रहरीमा कोभिड पुष्टि भएको जिल्ला प्रहरी कार्यालयका डिएसपी नारायणप्रसाद अधिकारीले जानकारी दिनुभयो । प्रहरी चौकीमा कार्यरत सबै प्रहरीमा कोभिड देखिएपछि चौकीलाई नै आइसोलेशनको रुपमा प्रयोग गरिएको उहाँले बताउनुभयो । सक्रिय सङ्क्रमितमध्ये सबैभन्दा बढी दशरथचन्द नगरपालिकामा १८, डिालाशैनी गाउँपालिकामा १०, पुर्चौडी नगरपालिकामा चार र सुर्नया, पञ्चेश्वर र दोगडाकेदारमा एक/एक जना रहेका छन् ।
अनलाइन डेस्क
सम्बन्धित समाचारहरू
बलात्कार घटनाको कसुरमा तीन वर्ष कैद सजाय
२८ वर्षीया महिलालाई बलात्कार गरेको कसुरमा बरहथवा नगरपालिका–३ का ३४ वर्षीय नरेश महतो नुनीयालाई जिल्ला अदालत सर्लाहीले जेठ १८ गते तीन वर्ष कैद सजायको फैसला गरेको छ । जिल्ला अदालत…
पत्नी हत्या कसुरमा १५ वर्ष कैदको फैसला
बबई गाउँपालिका–१ की ३४ वर्षीया खुमी बोटेको हत्या गरेको कसुर ठहर गर्दै जिल्ला अदालतले मृतकका पति ४० वर्षीय लालबहादुर बोटेलाई १५ वर्ष कैद सजायको फैसला गरेको छ । बोटेले पत्नीलाई…
बलात्कार घटनाको कसुरमा दश वर्ष कैद सजाय
१७ वर्षीया बालिकालाई बलात्कार गरेको कसुरमा तिरहुत गाउँपालिका–३ का २३ वर्षीय ज्ञानु भनिने ज्ञानकुमार साहलाई जेठ १९ गते १० वर्ष कैद सजाय भएको छ । जिल्ला न्यायाधीश हेमन्त रावलको इजलासले…
जिल्ला कारागार लमजुङबाट भागेका दुई बन्दी मध्ये एक गिरफ्तार
जिल्ला कारागार लमजुङबाट जेठ १८ गते राति दुइजना बन्दी कारागारको पर्खाल चढेर हाम्फालेर भागेका मध्ये एकजनालाई प्रहरीले गिरफ्तार गरेको छ । रातको समयमा बन्दीहरूले बिक्रीका लागि बनाएका बाँसका मुढाहरू खप्ट्याएर…
हत्या प्रयास गरेको कसुरमा एक वर्ष कैद सजायको फैसला
त्रियुगा नगरपालिका-१२ पुरानो गाइघाटका आठ वर्षीय बालक आयन लिम्बूलाई कुटपिट गरी हत्या प्रयास गरेको आरोपमा जिल्ला अदालतले त्रियुगा नगरपालिका-१२ सुनगाभाटोलका अधिवक्ता ५५ वर्षीय इन्द्रकुमार तामाङ्गलाई एक वर्ष कैद सजायको फैसला…