कोभिड–१९ को सङ्क्रमणसम्बन्धी दैनिक अपडेट (कात्तिक २१ गते)
कात्तिक २१ गते २ हजार ९ सय ९ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या १ लाख ८८ हजार ८ सय ८३ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा १० हजार १ सय ५३ जनाको स्वाब परीक्षण गरिएको मन्त्रालयले जनाएको छ । सङ्क्रमितमध्ये १ लाख ५२ हजार ९ सय ८ जना निको भएका छन् । कात्तिक २१ गते ४ हजार ५ सय जना निको भएका छन् भने निको हुनेको दर ८१ प्रतिशत रहेको मन्त्रालयले जनाएको छ । कात्तिक २१ गतेसम्म १ हजार ७० जना कोभिड सङ्क्रमितको मृत्यु भएको मन्त्रालयले जनाएको छ । ३४ हजार ९ सय ५ जनाको उपचार भइरहेको छ । २८ हजार ९ सय ९३ जना होम आइसोलेशनमा छन् भने ३ सय ८० जनाको उपचार आइसीयूमा र ८३ जनाको उपचार भेण्टिलेटरमा भइरहेको छ ।
गण्डकी प्रदेश
कास्की प्रतिनिधि सुशन घिमिरेका अनुसार कर्मचारीमा कोभिड–१९ सङ्क्रमण पुष्टि भएपछि रुपा गाउँपालिकाको सम्पूर्ण सेवा कात्तिक २१ गतेदेखि बन्द गरिएको छ । गाउँपालिका अध्यक्ष नवराज ओझाले गाउँपालिकाका एक कर्मचारीमा कोभिड पुष्टि भएकाले कात्तिक २१ गतेदेखि कात्तिक २३ गतेसम्म कार्यालय बन्द गरिएको जानकारी दिनुभयो । उहाँले गाउँपालिकावासीलाई सुरक्षित राख्ने हेतुले कार्यालय बन्द गरिएको बताउनुभयो । ‘सङ्क्रमण थप नफैलियोस् भनेर कार्यालय बन्द गर्नुको विकल्प रहेन ।’–उहाँले भन्नुभयो ।
म्याग्दी प्रतिनिधि अमृतप्रसाद पौडेलका अनुसार बेनी नगरपालिका थप एक हप्ता सील गर्ने निर्णय गरिएको छ । गत कात्तिक १४ देखि कात्तिक २१ गते राति १२ बजेसम्मका लागि अत्यावश्यक बाहेकका सबै सेवा एक हप्ताका लागि सील गरिएको थियो । जिल्ला कोभिड–१९ सङ्कट व्यवस्थापन केन्द्रको कात्तिक २१ गते बसेको बैठकले बेनी नगरपालिका कात्तिक २१ गतेदेखि कात्तिक २८ गते राति १२ बजेसम्म सील गर्ने निर्णय गरेको हो ।
अनलाइन डेस्क
सम्बन्धित समाचारहरू
जिल्ला अस्पतालमा ह्विलचियरको अभाव : सेवाग्राहीलाई सास्ती
जिल्ला अस्पतालमा बिरामी बोक्ने ह्विलचियरको अभाव भएको छ । अस्पतालमा ह्विलचियरको अभावपछि बिरामीलाई एक स्थानबाट अर्को स्थानमा लैजानका लागि सास्ती हुनेगरेको हो । स्वास्थ्य जस्तो सम्वेदनशिल क्षेत्र अर्थात जिल्लाकै एक…
२५ वर्षदेखि देउलीका स्थानीयलाई खानेपानीको समस्या
चंखेली गाउँपालिका–२ स्थित दार्म गाउँको देउलीका स्थानीयहरु विगत २५ वर्षदेखि खानेपानीको समस्या रहेको छ । खानेपानीको स्रोत नजिक नहुनु र बनेका योजना पनि गुणस्तरीय काम नभएका कारण खानेपानीको समस्या भएको…
छुट्टाछुट्टै इजलास कक्ष नहुँदा न्याय सम्पादनमा कठिनाई
नेपालको संविधानले स्थानीय तहमका न्यायिक समितिलाई न्याय सम्पादनको अधिकार प्रदान गरे पनि रसुवामा पाँच ओटै स्थानीय तहमा न्याय सम्पादन गर्न छुट्टै इजलास कक्ष अभावले न्याय सम्पादनमा कठिनाई भएको छ ।…
१५ वर्षदेखि टहरामा पढ्दै छन् दुम्लिङका चेपाङ बालबालिका
धादिङको बेनीघाट रोराङ गाउँपालिका-२, दुम्लिङस्थित सहारा आधारभूत विद्यालयमा १५ वर्षदेखि चेपाङ बालबालिका टहरामा पढ्दै आएका छन् । अत्यन्त गरिब र बिहान बेलुकी छाक टार्न समेत धौ धौ पर्ने चेपाङ समुदायका…
बलात्कार प्रयास घटनाका आरोपित गिरफ्तार
४० वर्षीया महिलालाई बलात्कार प्रयास गरेको आरोपमा रोशी गाउँपालिका-९, नार्केस्थित सागर मेडिकलका सञ्चालक ५० वर्षीय चेतन रामलाई प्रहरीले ०८० मङ्सिर १४ गते गिरफ्तार गरेको छ । पीडित महिलालाई आरोपितले मङ्सिर…