समाचारहरू

स्वास्थ्य तथा जनसङ्ख्या मन्त्रालयका अनुसार यो एक साताको अवधिमा २ सय ३४ जना कोभिड–१९ का सङ्क्रमितको मृत्यु भएको तथ्याङ्क सार्वजनिक भयो । एक सातामा ३१ हजार २ सय ५० ओटा स्वाब परीक्षण गरेकामा ५ सय ९४ जनामा सङ्क्रमण पुष्टि भयो । यो अवधिमा ४ सय ५६ जना सङ्क्रमित कोभिड मुक्त भए ।

प्रदेश १

स्वास्थ्य तथा जनसङ्ख्या मन्त्रालयका अनुसार ०७७ फागुन १७ गतेदेखि फागुन २४ गतेसम्मको अवधिमा झापामा दुई जना पुरूष र दुई जना महिला गरी चार जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा एक जना पुरूष, मोरङमा एक जना पुरूष र एक जना महिला गरी दुई जना, ओखलढुङ्गामा एक जना पुरूष, सङ्खुवासभामा दुई जना पुरूष, भोजपुरमा एक जना पुरूष र ताप्लेजुङमा एक जना महिला गरी १२ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला,नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा प्रदेश १ मा १२ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । धनकुटा, इलाम, खोटाङ, पाँचथर, सोलुखुम्बु, तेहृथुम र उदयपुरमा यो साता कोभिड–१९ सङ्क्रमित फेला नपरेको मन्त्रालयले जनाएको छ ।

लुम्बिनी प्रदेश
लुम्बिनी प्रदेशमा यस साता महिला २१ जना र पुरुष ४७ जना गरी ६७ जनामा कोभिड सङ्क्रमण पुष्टि भएको छ । यस साता सबै भन्दा बढी बाँके जिल्लामा १६ जनामा सङ्क्रण पुष्टि भएको छ । पछिल्लो २४ घण्टामा प्रदेशमा १ हजार ९१ जनामा गरिएको परीक्षणमा  ६ जनामा कोभिड पोजेटिभ देखिएको स्वास्थ्य मन्त्रालयको तथ्याङ्कले जनाएको छ । गत साता सङ्क्रमित हुनेको सङ्ख्या ९० रहेको थियो ।

सुदूरपश्चिम प्रदेश
स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा फागुन १७ गतेदेखि फागनु २४ गतेसम्म १३ जनामा सङ्क्रमण पुष्टि भएको छ । फागुन २४ गते मात्रै सुदूरपश्चिम प्रदेशका नौ जिल्लामध्ये  कैलाली जिल्लामा मात्रै एक जना पुरुषमा कोभिड सङ्क्रमण पुष्टि भएको छ । यस सुदूरपश्चिम प्रदेशमा यो साथा कोभिडका कारण कसैको मृत्यु भएको छैन् । यस प्रदेशमा फागुन २४ गतेसम्म ३ हजार ९ सय २१ म्हिला र ११ हजार  ८८ जना पुरुष गरी जम्मा १५ हजार ९ जनामा  कोभिड पुष्टि भएको छ ।
नेपाल सरकारले ०७७  माघ १४ गतेदेखि फागुन १० गतेसम्म कोभिड–१९ विरुद्धको खोप अभियान सञ्चालनपश्चात सुदूरपश्चिम प्रदेशमा ३८ हजार ३ सय २ जनाले कोभिड–१९ विरुद्धको खोप लिएको सुदूरपश्चिम समाजिक विकास मन्त्रालयले जनाएको छ । दोस्रो चरणको खोप अभियान सुदूरपश्चिम प्रदेशमा फागुन २३ गतेदेखि सुरु भएको यस चरणमा ६५ वर्ष उमेर पुरा भएका नागरिकहरुलाई कोभिड विरुद्धको खोप अभियान सुरु भएको मन्त्रालयले जनाएको छ ।

अनलाइन डेस्क