कोभिड–१९ः यो साता सात जना सङ्क्रमितको मृत्यु, ७ सय ८५ जनामा कोभिड–१९ पुष्टि
स्वास्थ्य तथा जनसङ्ख्या मन्त्रालयका अनुसार यो एक साताको अवधिमा सात जना कोभिड–१९ का सङ्क्रमितको मृत्यु भयो । एक सातामा २३ हजार ८ सय ४१ ओटा स्वाब परीक्षण गरेकामा ७ सय ८५ जनामा सङ्क्रमण पुष्टि भयो । यो अवधिमा ९ सय ३८ जना सङ्क्रमित कोभिड मुक्त भए ।
प्रदेश १
स्वास्थ्य तथा जनसङ्ख्या मन्त्रालयका अनुसार ०७७ माघ २७ गतेदेखि फागुन ३ गतेसम्मको अवधिमा झापामा तीन जना पुरूष एक जना महिला गरी चार जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा दुई जना पुरूष र सात जना महिला गरी नौ जना, खोटाङमा एक जना महिला, मोरङमा दुई जना पुरूष र चार जना महिला गरी ६ जना, धनकुटामा एक जना महिला, ओखलढुङ्गामा एक जना पुरूष, इलाममा दुई जना पुरूष, सङ्खुवासभामा एक जना पुरूष र उदयपुरमा एक जना पुरूष र एक जना महिला गरी २७ जनामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोवेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा प्रदेश १ मा २७ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । भोजपुर,सोलुखुम्बु, ताप्लेजुङ, पाँचथर र तेहृथुममा यो साता कोभिड–१९ सङ्क्रमित फेला नपरेको मन्त्रालयले जनाएको छ ।
गण्डकी प्रदेश
गण्डकी प्रदेशमा माघ २७ गतेबाट फागुन ३ गतेसम्म थप १ सय ७९ जनामा कोभिड–१९ सङ्क्रमण देखिएको छ । जसमध्ये १ सय १० पुरूष र ६९ जना महिला रहेका छन् । यो सगै प्रदेशमा कुल सङक्रमितको सङ्ख्या १७ हजार ६ सय ८१ रहेको छ । यो साता कोभिड–१९ को सङ्क्रमणबाट १ सय ७७ जना निको भएका छन् । योसगै प्रदेशमा निको हुनेको कूल सङ्ख्या १८ हजार ५ सय ८१ रहेको छ । हालसम्म प्रदेशमा कोभिड–१९ को सङ्क्रमणबाट कूल २ सय १३ जनाको मृत्यु भएको छ । जसमध्ये यो साता एक जनाको मृत्यु भएको हो । स्वास्थ्य तथा जनसङ्ख्या मन्त्रालयको फागुन ३ गतेको तथ्याङ्क अनुसार प्रदेशमा हाल १ सय ७५ जना सक्रिय सङ्क्रमित रहेका छन् । सक्रिय सङ्क्रमितहरूमध्ये नौ जना संस्थागत आइसोलेशनमा बसेका छन् भने पाँच जना आइसीयू र दुई जना भेण्टिलेटरमा रहेका छन् ।
लुम्बिनी प्रदेश
यस साता लुम्बिनी प्रदेशमा ३६ जना पुरुष र १९ जना महिला गरी जम्मा ५५ जनामा कोभिड सङ्क्रमण पुुष्टि भयो । यस साता उच्च सङ्क्रमण हुने जिल्ला दाङमा ११ जनामा सङ्क्रमित भए । महिला भन्दा पुरुषमा बढी सङ्क्रमण भएको स्वास्थ्य मन्त्रालयको तथ्याङ्कले देखाएको छ । पछिल्लो २४ घण्टामा तीन जना पुरुष र एक जना महिला गरी चार जनामा कोभिड सङ्क्रमण पुष्टि भएको छ । प्रदेशमा १ सय १ जना संस्थागत आइसोलेशनमा, २२ जना आइसियुमा र चार जनाको भेण्टिलेटरमा उपचार भइरहेको छ । प्रदेशमा हालसम्म ३० हजार ४ सय १ जना निको भएका छन् । भने १ सय ७५ जना सक्रिय सङ्क्रमित छन् । स्वास्थ्य मन्त्रालयको तथ्याङ्क अनुसार हालसम्म मृत्यु हुनेको सङ्ख्या २ सय ९२ रहेको छ ।
अनलाइन डेस्क
सम्बन्धित समाचारहरू
निर्माण व्यवसायीको लापरवाहीले अस्पताल भवन नबन्दा सेवाग्राही मर्कामा
दोरम्बा शैलुङ गाउँपालिका दोरम्बामा निर्माणाधीन १५ शय्या दोरम्बा अस्पतालको निर्माण कार्य अलपत्र परेको छ । निर्माण व्यवसायी बीचमा काम छोडेर भागेपछि अस्पताल निर्माण कार्य अलपत्र परेको हो । ०७८ चैत…
सङ्क्रमणकालीन न्यायको कानुन संशोधनका सम्बन्धमा द्वन्द्वपीडितद्वारा १६ बुँदे घोषणापत्र जारी
सङ्क्रमणकालीन न्याय कानुन संशोधनका लागि विधेयकका सम्बन्धमा द्वन्द्वपीडितहरूले १६ बुँदे घोषणापत्र जारी गरेका छन् । काठमाडौँमा चैत १० गते आयोजित द्वन्द्वपीडितहरूको राष्ट्रिय परामर्शद्वारा पारित घोषणापत्रमा सङ्क्रमणकालीन न्यायको विषयलाई निश्कर्षमा पुर्याउने…
बालकलाई चार वर्ष आठ महिना कैद
१८ वर्षीया युवतीलाई बलात्कार गरेको कसुरमा १७ वर्षीय बालकलाई चैत १० गते ४ वर्ष ८ महिना कैद सजाय भएको छ । जिल्ला न्यायाधीश हेमन्त रावलको इजलाशले बालकलाई कैदका साथै ५०…
इन्सेकलगायतको सरोकारवाला निकायको सक्रियतामा बालविवाह रोकियो
जुम्लामा बालविवाह रोकिएको छ । तिला गाउँपालिका – ३ मा हुन थालेको बालविवाह चैत १० गते रोकिएको हो । तिला गाउँपालिका –५ की १६ वर्षीया बालिका र सोही गाउँपालिका –३…
बालिका बेचबिखन र ओसारपसार कसुरमा आठ वर्ष कैद
१३ र १४ वर्षीया बालिकाहरूलाई बिक्रीगर्ने उद्देश्यले भारत लगेको आरोपमा हनुमाननगर कंकालिनी नगरपालिका–६ जोगिनियाका १६ वर्षीय बालकलाई ०७९ चैत १० गते ८ वर्ष कैद सजाय भएको छ । जिल्ला न्यायाधीश…