समाचारहरू

यो साता कोभिड परीक्षण दैनिक ४ सय ३० जना कोभिड सङ्क्रमित थपिएका छन् भने ५ सय ५४ जना निको भएका छन् । स्वास्थ्य तथा जनसङ्ख्या मन्त्रालयद्वारा जारी तथ्याङ्क अनुसार एक साताको अवधिमा ३५ हजार ५ सय ३९ ओटा स्वाब परीक्षण गरिएको छ । औसतमा दैनिक ५ हजार ७७ ओटा स्वाब परीक्ष्ण गरेको मन्त्रालयले जारी गरेको तथ्याङ्कमा छ । गत साता ३७ हजार ७ सय ७१ ओटा स्वाब परीक्षण गरिएको थियो । यो साता ३ हजार ६ जनामा कोभिड सङ्क्रमण देखिएको छ । गत साता ३ हजार ४ सय २२ जनामा कोभिड पुष्टि भएको थियो । यो एक सातामा ४२ जना कोभिड सङ्क्रमितको मृत्यु भएको तथ्याङ्कमा उल्लेख छ । गत साता ५३ जना कोभिड सङ्क्रमितको मृत्यु भएको थियो ।

प्रदेश १
स्वास्थ्य तथा जनसङ्ख्या मन्त्रालयका अनुसार पुस २१ गतेदेखि पुस २७ गतेसम्मको अवधिमा झापामा २३ जना पुरूष र १२ जना महिला गरी ३५ जनामा कोभिड–१९ को सङ्क्रमण पुष्टि भएको छ । त्यसैगरी सुनसरीमा ३६ जना पुरूष र २१ जना महिला गरी ५७ जना, खोटाङमा एक जना पुरूष र एक जना महिला गरी दुई जना, मोरङमा ६२ जना पुरूष र ३२ जना महिला गरी ९४ जना, उदयपुरमा ११ जना पुरूष र तीन जना महिला गरी १४ जना, धनकुटामा एक जना पुरूष र तीन जना महिला गरी चार जना, इलाममा आठ जना पुरूष, पाँचथरमा चार जना पुरूष, भोजपुरमा दुई जना पुरूष, सङ्खुवासभामा तीन जना पुरूष र एक जना महिला, तेह्रथुममा तीन जना पुरूष र सोलुखुम्बुमा एक जना महिलामा कोभिड–१९ को सङ्क्रमण पुष्टि भएको छ । प्रदेश १ मा रहेका कोशी कोभिड–१९ अस्पताल, प्रदेश जनस्वास्थ्य प्रयोगशाला, वीपी कोइराला स्वास्थ्य विज्ञान प्रतिष्ठान घोपा प्रयोगशाला, मेची अस्पताल प्रयोगशाला, कोटीहोम प्रयोगशाला, नोबेल अस्पताल प्रयोगशाला, विराट अस्पताल प्रयोगशाला र न्यूरो अस्पताल प्रयोगशालामा गरिएको कोभिड–१९ को परीक्षणमा प्रदेश १ मा एक साताको अवधिमा प्रदेश १ मा २ सय २८ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । धनकुटाको महालक्ष्मी नगरपालिकाले कोभिड सङ्क्रमण भई आइसीयूमा उपचाररत महालक्ष्मी नगरपालिका–४ की ४५ वर्षीया महिलाको परिवारलाई पुस २५ गते उपचार सहायताका लागि २५ हजार रुपियाँ आर्थिक सहयोग गरेको छ ।

गण्डकी प्रदेश
गण्डकी प्रदेशमा पुस २१ गतेबाट पुस २७ गतेसम्म थप ३ सय १८ जनामा कोभिड–१९ सङ्क्रमण देखिएको छ । जसमध्ये २ सय ६ पुरूष र १ सय १२ जना महिला रहेका छन् । यो सगै प्रदेशमा कुल सङक्रमितको सङ्ख्या १७ हजार ८ सय ६१ रहेको छ । यो साता कोभिड–१९ को सङ्क्रमणबाट ३ सय ७२ जना निको भएका छन् । योसँगै प्रदेशमा निको हुनेको कूल सङ्ख्या १७ हजार ३ सय ४५ रहेको छ । हालसम्म प्रदेशमा कोभिड–१९ को सङ्क्रमणबाट कूल १ सय ९३ जनाको मृत्यु भएको छ जसमध्ये यो साता पाँच जनाको मृत्यु भएको हो । स्वास्थ्य तथा जनसङ्ख्या मन्त्रालयको पुस २७ गतेको तथ्याङ्क अनुसार प्रदेशमा हाल ३ सय २३ जना सक्रिय सङ्क्रमित रहेका छन् । सक्रिय सङ्क्रमितहरूमध्ये  ७० जना संस्थागत आइसोलेशनमा छन् भने ५५ जना आइसीयू र ६ जना भेण्टिलेटरमा रहेका छन् ।

कर्णाली प्रदेश

कर्णाली प्रदेशमा पुस २७ गते ३२ जना सक्रिय कोभिड–१९ सङ्क्रमित भएसँगै सङ्क्रमित हुनेको सङ्ख्या ६ हजार ४ सय ८० रहेको छ । हालसम्म ६ हजार ४ सय १ जना निको भइसकेका छन् । कोभिड–१९ को सङ्क्रमणबाट २६ जनाको मृत्यु भएको छ । यो साता एक जनाको मृत्यु भएको हो । यस प्रदेशमा एक साताअघि कोभिड–१९ सङ्क्रमितको सङ्ख्या ६ हजार ४ सय ५२ रहेको थियो । याे साता २८ जना सङ्क्रमित थपिएका हुन् ।

सुदूरपश्चिम प्रदेश
स्वास्थ्य तथा जनसङ्ख्या मन्त्रालयका अनुसार सुदूरपश्चिम प्रदेशमा पुस २१ गतेदेखि पुस २७ गतेसम्म १ सय ३१ जनामा कोभिड सङ्क्रमण पुष्टि भएसँगै सङ्क्रमित हुनेको सङ्ख्या ३ सय ६४ पुगेको छ । पुस २७ गते मात्रै सुदूरपश्चिम प्रदेशका दुई महिलासहित नौ जनामा कोभिड सङ्क्रमण पुष्टि भएको छ । जसमध्ये अछाम जिल्लामा एक जना, बैतडीमा एक, बझाङमा एक, कैलालीमा तीन र कञ्चनपुरमा तीन जना सङ्क्रमित थपिएका छन् । यो साता सुदूरपश्चिम प्रदेशमा एक जना सङ्क्रमितको मृत्यु भएसँगै प्रदेशमा मृत्यु हुनेको सङ्ख्या ६३ जना पुगेको छ । यस प्रदेशमा पुस २७ गतेसम्म १ सय २९ जनाको संस्थागत आइसोलेशनमा, तीन जनाको आइसीयूमा र दुई जनाको भेण्टिलेटरमा उपचार भइरहेको छ । पुस २७ गतेसम्म प्रदेशमा १४ हजार ३ सय २१ जना सङ्क्रमित निको भएका छन् । हालसम्म सुदूरपश्चिम प्रदेशमा १४ हजार ७ सय ४८ जनामा कोभिड पुष्टि भएको छ ।

अनलाइन डेस्क