घरेलु हिंसा पीडित महिलाद्वारा प्रहरीमा उजुरी

  ०७७ माघ ३ गते

कालिका गाउँपालिका–२ की ४७ वर्षीया एकल महिला सीताकुमारी नगरकोटीले आफूलाई कुटपिट गरेको आरोपमा कान्छा ससुरा ७१ वर्षीय मङ्गलदाश श्रेष्ठ र कान्छी सासू ६५ वर्षीया विष्णुमाया श्रेष्ठविरुद्ध माघ ३ इलाका प्रहरी कार्यालय कालिकास्थानमा उजुरी दिनु भएको छ ।

घर नजिकै आफ्नो बारीमा बाख्रा नचराउन भनेपछि आरोपितद्वयले गाली गलौज गर्दै लछारपछार गरी कुटपिट गरेको पीडितले बताउनु भयो ।

कुटपिट घटनाका आरोपितद्वय फरार रहेकोले खोजी कार्य गरिरहेको इलाका प्रहरी कार्यालयले जनाएको छ ।

पीडित घाइतेको उपचार माघ ३ गते कालिकास्थान स्थित कालिका समुदायिक अस्पतालमा गरिएको छ ।


हेमनाथ खतिवडा