काकीलाई कुटपिट गरेको आरोपमा भतिजविरूद्ध प्रहरीमा उजुरी

  ०७७ असार १ गते

मिथिला नगरपालिका–८ की ४० वर्षीया गुनो गौरीदेवी साहलाई जेठ ३२ गते ३५ वर्षीय भतिज सुनिल साहले कुटपिट गरेको भन्दै पीडितले जिल्ला प्रहरी कार्यालय धनुषामा असार १ गते उजुरी दर्ता गराउनु भएको छ ।

कुटपिटबाट गुनोदेवीको तिघ्रा, नाक, टाउको, पिठ्यूँमा र सम्वेदनशील अङ्ंगमा चोट लागेको छ । उहाँलाई सोही दिन प्रादेशिक अस्पताल जनकपुरमा उपचारको लागि भर्ना गरिएको छ ।

आरोपित सुनिल साहले आमा र आफूलाई पटकपटक ज्यान मार्ने धम्की दिँदै आएको पीडितकी १८ वर्षीया छोरी खुश्वु कुमारी साहले बताउनु भयो ।

पीडित महिलाले जिल्ला प्रहरी कार्यालय धनुषामा असार १ गते मानव अधिकारकर्मीहरूको सहयोगमा उजुरी दर्ता गराएको जिल्ला प्रहरी कार्यालय धनुषा महिला सेलकी इञ्चार्ज असई दिपिका ओझाले बताउनु भयो । घटनाबारे अनुसन्धान गरी दोषीलाई कारवाही गरिने असई ओझाले बताउनु भयो ।


दिपेन्द्रप्रसाद सिंह