समाचारहरू

कनका सुन्दरी गाउँपालिकाले स्वास्थ्य तथा सरसफाई सेवा ऐनलगायत अन्य दुई ओटा ऐन पारित गरेको छ ।

पुस २५ गते सम्पन्न हिउँदे गाउँसभाले स्वास्थ्य तथा सरसफाई सेवा ऐन २०७७, वातावरण तथा प्राकृतिक स्रोत संरक्षण ऐन २०७७ र गाउँ शिक्षा नीति २०७७ पारित भएको सूचना अधिकारी दानसिंह कार्कीले इन्सेक प्रतिनिधिलाई जानकारी दिनुभयो ।

यसैगरी गाउँपालिकाका स्वास्थ्य शाखा संयोजक दामोदर आचार्यले १५ शैयाको अस्पताल सञ्चालन गर्ने, पोलीक्लिनिक सञ्चालन, एम्बुलेन्स सेवा, प्रसुति गृह सञ्चालन तथा आवश्यक स्वास्थ्यकर्मी र उपकरणको व्यवस्थापन जस्ता कुराहरू स्वास्थ्य तथा सरसफाई सेवा ऐन २०७७ मा समावेश गरिएको बताउनुभयो ।

गाउँपालिकाका शिक्षा संयोजक नारायण धितालका अनुसार गाउँ शिक्षा नीतिमा विद्यालय बालमैत्री तथा अपाङ्खमैत्री बनाउने, बालबालिकाहरूलाई शिक्षण सिकाइमा आकर्षण गर्न बालविकास केन्द्रहरू प्रभावकारी रूपमा सञ्चालन गर्ने लगायतका विषयहरू उल्लेख गरिएको बताउनुभयो ।

यस्तै माध्यामिक स्तरमा पठनपाठन गर्ने छात्रा र दलित बालबालिकालाई प्रोत्साहन र छात्राबृद्धि, सीप मुलक कार्यक्रम, अपाङ्खता भएका बालबालिकालाई स्वरोजगार बनाउनका लागि व्यवसायिक सीपमुलक तालिमहरू सञ्चालन गर्ने जस्ता कुरा पनि शिक्षा नीतिमा समावेश गरिएको संयोजक धितालले जानकारी दिनुभयो ।

मानदत्त रावल