ऐन निर्माण गरी संसदमा पेश गर्न मानव अधिकार समितिको निर्देशन

  ०७३ माघ २८ गते

सामाजिक न्याय तथा मानव अधिकार समितिको माघ २८ गते बसेको बैठकले द्वन्द्वकालीन न्यायको विषयमा छानबिन गर्न गठित सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगको ऐन निर्माण गरी संसदमा पेश गर्न सम्बन्धित निकायलाई निर्देशन दिएको छ ।

समयसिमाभित्र आयोगहरूले काम सम्पन्न नगरेपछि माघ २७ गतेको मन्त्रिपरिषद् बैठकले एक वर्षदुवै आयोगको म्याद थप गर्ने निर्णय गरेको थियो । सो कुरालाई मध्यनजर गर्दै समितिले आयोगहरूको कानुन निर्माण र संशोधनका लागि आवश्यक प्रस्ताव व्यवस्थापिका संसदमा पेश गर्न निर्देशन दिएको हो ।

समितिले आवश्यक कानुन निर्माणका लागि सत्य निरूपणतथा मेलमिलाप आयोग र बेपत्ता पारिएका व्यक्तिको छानबिन आयोग ऐन-२०७२ लाई आवश्यक परिमार्जनसहित संसदमा पेश गर्न समेत निर्देशन दिएको छ ।

यसअघि सर्वोच्च अदालतको आदेशलाई ख्याल गर्दै आयोगले ऐनमा भएका आठ ओटा बुँदामा परिमार्जनको आवश्यकता रहेको भन्दै सरकारलाई सुझाव दिएको थियो ।


विवेक ढुङ्गाना