इन्सेक रेडियो कार्यक्रमको प्रभाव: बजार अनुगमन सुरू

  ०७७ भदौ २६ गते

इन्सेक कर्णाली प्रदेश कार्यालयले भदौ २२ गते प्रशारण बजार गरेको मानव अधिकार रेडियो शिक्षा कार्यक्रममा बजार अनुगमन नहुँदा भएको समस्याका विषयलाई जनआवाज मार्फत प्रशारण गरेपछि बजार अनुगमन सुरू भएको छ ।

सहायक प्रमुख जिल्ला अधिकारी विष्णु साहनीको भनाई समेत समेटिएको उक्त कार्यक्रमबाट ध्यानाकर्षण भइ प्रशासन, भेरी नपा, उद्योग वाणिज्य संघ र उपभोक्ता सहितको टोलिले सदरमुकाम रहेको खलंगा बजार अनुगमन गरेको नागरिक समाजका अगुवा राजेन्द्र विक्रम शाहले इन्सेक प्रतिनिधिलाई बताउनुभयो ।

Photo 20200911 Jajrkot

व्यवसायीहरूले उपभोक्ताबाट चर्काे मुल्य असुलेको गुनासो सञ्चार माध्यमहरूबाट आएपछि भदौ २३ गते शान्ती चौतारा, गैरी खाली र २४ गते ठाँटी बजारमा अनुगमन गरिएको प्रमुख जिल्ला अधिकारी चेतराज बरालले जानकारी दिनुभयो

अनुगमनका क्रममा दर्ता नभएका तथा नविकरण नगरिएका पसलहरु पनि सञ्चालन भएको पाइएको र पसलबाट म्याद सकिएका चाउचाउ, चिउरा, विस्कुट, दालमोट नष्ट समेत गरिएको प्रजिअ बरालले बताउनुभयो ।

जिल्लाका विभिन्न स्थानबाट व्यापारीहरुले ठगी गरेको, सामान छैन भन्दै ग्राहकलाई समान नदिने, बार्गेनिङ गरेको उपभोक्ताको गुनासो आएकोले जिल्ला भरी नै बजार अनुगमन गरिने जिल्ला प्रशासन कार्यालय जाजरकोटले जनाएको छ ।
रेडियो कार्यक्रम सुन्नका लागि यहाँ क्लिक गर्नुहोस्


दिनेशकुमार श्रेष्ठ