इन्सेकद्वारा भूकम्प पीडित बालकलाई आर्थिक सहयोग

  ०७६ असार २६ गते

भूकम्प पीडित परिवारले आफ्नो बालकको पढाइमा सहयोग गरिदिन इन्सेक भक्तपुर जिल्ला प्रतिनिधि सविना केसीसमक्ष गरेको अनुरोधको आधारमा पीडित परिवारलाई सहयोग गरिएको छ ।

भक्तपुर नगरपालिका-१० मुलढोका कमलविनायक बस्ने रश्मिला अवालले इन्सेक प्रतिनिधि केसीसमक्ष असार २४ गते ५ वर्षीय छोरा सोनिम अवालको पढाइका लागि सहयोग गरिदिन मौखिक रूपमा आग्रह गरेपछि बालकको पढाइमा सहयोग पुर्‍याउन स्टेशनरी सहयोग गरिएको केसीले बताइन् ।

०७२ वैशाख १२ गतेको भूकम्पमा भक्तपुर नगरपालिका-१० मूलढोकामा रहेको घर भत्किएर पुरिएका ५ वर्षीय बालक सोनिम अवाललाई प्रहरीको टोलीले २२ घण्टा लगाएर उद्दार गरेको थियो ।


इन्सेक प्रदेश ३ कार्यालय, काठमाडौँ