समाचारहरू

अनौपचारिक क्षेत्र सेवा केन्द्र (इन्सेक) को पहलमा चौतरा सागाचोकगढी नगरपालिका–७ का असङ्गठित सडक मजदुर अति विपन्न परिवारका ज्याला मजदुरी गर्ने ३२ जनालाई वैशाख  १ गते राहत वितरण गरिएको छ ।

कोरोना भाइरसको महामारी रोक्न सरकारले लकडाउन घोषणा गरेपछि सडक निर्माणमा सङ्लग्न मजदुरहरू भोकै परेका कारण उनीहरू बसेको गोठमा इन्सेक प्रतिनिधि गई अवस्था विश्लेषण गरेपछि उनीहरूलाई खाद्यान्न सहयोग गरिएको वडा अध्यक्ष उमाप्रसाद दुलालले बताउनु भयो । नेपालको विभिन्न जिल्लामा घरभई चौतारा–सिपाघाट मोटरबाटोमा मजदुरी गर्दै आएका मजदुरलाई खाद्यान्न वितरण गरिएको हो ।

सडकमा मजदुरी गर्ने ती मजदुरहरूलाई प्रतिव्यक्ति चामल ३० केजी, दाल तीन केजी, नुन दुइ पाकेट, तेल दुइ लिटर, सावुन चार वटा र चिनि दुइ केजीका दरले वितरण गरिएको छ ।

नातिबाबु धिताल