इन्सेकको पहलमा बेवारिसे महिलाको उद्दार

  ०७६ जेठ ५ गते

सल्यानमा बेवारिसे अवस्थामा फेला परेकी रोल्पा जिल्ला त्रिवेणी गाउँपालिका–१ सिरुवाली निवासी २४ वर्षीया लिला भनिने लुम्बिकाकुमारी बुढा मगरलाई इन्सेकको पहलमा जिल्लास्थित सुरक्षित आवास गृहमा राखिएको छ ।

०७६ वैशाख २९ गते घरबाट निस्किएको र जेठ ३ गतेसम्म रुकुममा होटलमा काम गरी बसेको बताउँदै उनले जेठ ४ गते सल्यानमा आइपुगेको सुनाइन् ।

सल्यानमा बेवारिसे अवस्थामा घुम्दै गरेको थाहा पाएपछि जिल्ला प्रहरी कार्यालय सल्यानले इन्सेकलाई जानकारी गराएको हो ।

हाल उनी जिल्ला स्थित मानव अधिकार वकालत केन्द्रद्वारा सञ्चालित सुरक्षित आवास गृहमा आश्रय लिएर बसिरहेकी छन् । इन्सेकको पहलमा पीडितका आफन्त र घर परिवारसँग सम्पर्क गर्ने प्रयास भइरहेको छ ।


मीना बुढाथोकी