इन्सेकको खबरदारीपछि सामाजिक सुरक्षा भत्ता वितरण सुरू

  ०७३ मङ्सिर १३ गते

इन्सेक जिल्ला प्रतिनिधिले खिदिम गाविसका सचिव टेकराज श्रेष्ठ र तत्कालीन स्थानीय विकास अधिकारी लक्ष्मी पाण्डेलाई भेटेर खिदिम गाविसमा समाजिक सुरक्षा भत्ता वितरण नगरेको विषयमा खबरदारी गरेपछि गाविसले मङ्सिर ११ गतेबाट सामाजिक सुरक्षा भत्ता वितरण कार्य सुरु गरेको छ ।

जिल्ला विकास समतिले सामाजिक सुरक्षा भत्ता वितरण गर्न स्वीकृति दिएको ३५ दिन भित्र गाविसले सामाजिक सुरक्षा भत्ता वितरण गनुपर्ने कानुनी व्यस्था भए पनि गाविसले सामाजिक सुरक्षा भत्ता वितरण नगरेको सूचनाको आधारमा सो गाविसमा गएर इन्सेक प्रतिनिधिले लक्षित वर्गका व्यक्तिहरूसँग भेटेका थिए ।

'गाविस सचिवलाई बारम्बार सामाजिक सुरक्षा भत्ता पाउँनुपर्‍यो भनेका थियौँ । राज्यले दिएको सुविधा किन वितरण नगरेको भनेर प्रश्न गर्दा अब वितरण हुन्छ भन्ने जबाफ दिन्थे । तर, इन्सेक प्रतिनिधि आएपछि १५ दिन भित्रै साजिक सुरक्षा भत्ता पाइयो । इन्सेकलाई धेरै धेरै धन्यवाद छ ।'-स्थानीय लोकनाथ गौतमले भने ।

स्थानीय राजेश नेपालीले ज्येष्ठ नागरिकको कुरा राज्यले नसुनेको बताउँदै इन्सेकको पहलमा राज्यले सामजिक सुरक्षा भत्ता वितरण गरेको बताए ।

गाविस सचिव टेकराज श्रेष्ठले सामाजिक सुरक्षा भत्ता वितरण कार्य मङ्सिर ११ गतेबाट सुरु भएको र दई/तीन दिन भित्र सबै लक्षित समुदायका व्याक्तिहरूले भत्ता पाउने बताए ।


नारायण भुसाल